Kiraŭnictva Biełaruskaj fiederacyi futboła pryniało rašeńnie ab spynieńni supracoŭnictva z hałoŭnym trenieram nacyjanalnaj zbornaj Hieorhijem Kandraćjevym i jaho štabam, paviedamlaje pres-słužba ABFF.
Kandraćjeva pryznačyli hałoŭnym trenieram u krasaviku 2021 hoda. Pry im kamanda pravaliła adboračny turnir da čempijanatu śvietu pa futbole, zaniaŭšy apošniaje miesca ŭ hrupie, čarhovy etap Lihi nacyj i zaraz budzie zmahacca za prava zastacca ŭ dyvizijonie S, a taksama ŭ adbory na Jeŭra-2024 (u kamandy na starcie try parazy i adna pieramoha).
U zbornaj była sieryja z 16-ci matčaŭ bieź pieramoh, tolki ŭ apošniaj hulni biełarusy zdoleli spynić jaje, vyjhraŭšy ŭ Kosava.
Kandraćjeŭ taksama ŭznačalvaŭ nacyjanalnuju zbornuju sa śniežnia 2011 pa kastryčnik 2014 hoda.
A ŭ 2006—2012 hadach pracavaŭ z moładzievaj zbornaj, ź jakoj staŭ bronzavym pryzioram čempijanatu Jeŭropy i zavajavaŭ pucioŭku na Alimpijskija hulni — 2012.
Kamientary