Adnavili mahčymaść pazačarhovaha ŭjezdu transpartu ŭ pamiežny punkt «Kazłovičy»
Ujezd transpartnych srodkaŭ u punkt propusku «Kazłovičy» na biełaruska-polskaj miažy pa-za čarhoj pa raniej vydadzienych propuskach adnovicca ŭ piatnicu, 30 červienia, jak paviedamiła pres-słužba Dziaržaŭnaha pamiežnaha kamiteta.
Časovaje spynieńnie dziejańnia propuskaŭ było ŭviedziena 31 sakavika ŭ suviazi ź vialikaj kolkaściu fur na biełaruska-polskaj miažy z-za, jak śćviardžałasia, nizkaj prapusknoj zdolnaści kantrolnych słužbaŭ polskaha punkta propusku «Kukuryki».
Staryja propuski pradaŭžajucca z 30 červienia na kolkaść «niavykarystanych» dzion. Naprykład, kali propusk byŭ sapraŭdny da 5 krasavika 2023 hoda, to jon pradaŭžajecca na šeść dzion — z 30 červienia pa 5 lipienia ŭklučna.
Taksama ŭ Pamiežnym kamitecie paviedamili, što z 31 śniežnia hetaha hoda ŭ Kazłovičach zapłanavany ŭvod u ekspłuatacyju sistemy elektronnaj čarhi. Heta aŭtamatyčna admienić mahčymaść vykarystańnia propuskaŭ na prava pazačarhovaha ŭjezdu na terytoryju pamiežnaha punkta.
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać19
Kamientary