Sud nad hałoŭnym trenieram «PSŽ» projdzie 15 śniežnia. Jamu pahražaje da troch hadoŭ turmy
Krystof Hałćje paŭstanie pierad sudom u Nicy pavodle abvinavačvańnia ŭ rasavaj dyskryminacyi, paviedamlaje Le Parisien.
Trenier PSŽ byŭ dastaŭleny ŭ prakuraturu paśla jaho zatrymańnia ŭ hetuju piatnicu i budzie vyklikany ŭ sud u kancy hoda pa spravie ab mierkavanych rasisckich vykazvańniach. Jamu pahražaje maksimalnaje pakarańnie ŭ vyhladzie pazbaŭleńnia voli na termin da troch hadoŭ.
Pryčyna aryštu futbolnaha śpiecyjalista — sprava ab rasavaj dyskryminacyi, pra jakuju stała viadoma niekalki miesiacaŭ tamu paśla ŭciečki z pošty Žuljena Furńje, eks-dyrektara futbolnaha kłuba «Nica». Hałćje treniravaŭ «Nicu» z 2021-2022 hadach.
U piśmach Furńje kazaŭ pra razmovy z Hałćje, u jakich toj skardziŭsia na kolkaść «čornych i musulman» u kamandzie.
U piatnicu Hałćje i jaho syna (taksama eks-supracoŭnika kłuba) vyklikali ŭ Nicu i źmiaścili pad vartu na čas dačy pakazańniaŭ na 24 hadziny.
Kamientary