Janota Sieniu ŭ baranavickim parku pryvučajuć da pravilnaha charčavańnia
Ulubionca biełaruskich mytnikaŭ janota Sieniu, jaki ŭ studzieni prybyŭ u Biełaruś z ZŠA ŭ transpartnym kantejniery, pastupova pieravodziać na pravilny racyjon charčavańnia, paviedamiła rasijskamu vydańniu Sputnik markietołah TAA «Park Žyvioł» u Baranavičach Taćciana Huńko. Uvohule ŭ hetym parku žyvie bolš za 20 janotaŭ, ale takoha zornaha losu nie maje nivodzin ź ich.
Pa słovach Taćciany Huńko, supracoŭniki parka dla žyvioł, choć i imknucca zavajavać davier puchnataha padarožnika, jamu nie paturajuć, bo kłapociacca pra zdaroŭje źviera. Žyviolinu ŭžo pačali pieravodzić na karysny dla jaje racyjon.
«Kali raniej jon jeŭ štości takoje, miakka kažučy, nie vielmi karysnaje, jak krabavyja pałački, jakija jon vielmi lubić, to zaraz my jaho sprabujem pieravodzić na pravilnaje charčavańnie, jakoje dla jaho karysnaje. Jeść jon ciapier advarnuju kuračku, advarnoha trusa, rybu», — raskazała Huńko.
Pa jaje słovach, Sienia pieražyŭ vialiki stres i trapiŭ u zusim inšaje asiarodździe.
«Tamu ŭ jaho zaraz pieryjad adaptacyi. Hety praces prachodzić nie tak chutka, jak usim, napeŭna, chaciełasia b. Sienia jašče nie padychodzić da ludziej, jak mnohija janoty, jakija ŭ nas žyvuć, jakich možna pakarmić, pahladzieć na ich łapki, nosiki», — raskazała žančyna.
Jak i lubaja žyviolina, janot u novych umovach aściarožny — pryhladajecca, jak da jaho staviacca, ci niama niebiaśpieki.
«Ale našy vietdaktary, zaatechniki robiać usio, kab Sienia zrazumieŭ, što jon trapiŭ u dobrazyčlivuju atmaśfieru, da siabroŭ, i jamu ŭsie radyja, a žyćcio ŭ jaho budzie cudoŭnym», — havoryć markietołah.
Pra toje, što ludziam jašče treba budzie zavajavać davier Sieni, śviedčyć i toj fakt, što navat pryniesienuju ježu jon pačynaje jeści tady, kali ŭsie sychodziać. Akramia hetaha, žyviolina jašče znachodzicca na karancinie.
«Karancin — heta abaviazkovaja ŭmova. Jon doŭžycca try tydni, časam daŭžej. My hladzim na stan žyvioły, nazirajem, ci ŭsio dobra, jak jana siabie adčuvaje, i tolki potym jaje pieravodziać da svaich surodzičaŭ. Na hety momant jon pakul adzin u valjery», — raskazała surazmoŭca.
Pavodle jaje słoŭ, usiaho ŭ parku žyvioł žyvie bolš za 20 janotaŭ, ale takoha zornaha losu niama ni ŭ adnaho ź ich.
Kapibara — siabar čałavieka
Rakazvajučy pra inšych žycharoŭ parka ź niezvyčajnym losam, markietołah adznačyła kapibaru Kapi.
«Kapibara — heta trendavaja žyvioła, vielmi papularnaja, usie lubiać jaje. U nas naradziłasia ŭ parku małaja-kapibara. I jaje mama admoviłasia karmić. Naš namieśnik dyrektara pa zoavieterynarnaj rabocie brała jaje da siabie dadomu, vykormlivała, prynosiła znoŭ u park, a na noč zabirała znoŭ da siabie dadomu», — adznačyła Huńko.
U vyniku kapibara stała vielmi kantaktnaj, ručnoj, daviaraje ludziam i dobrazyčliva da ich stavicca.
«I my stali pravodzić «Spatkańni z kapibaraj». Abstalavali joj śpiecyjalny pakoj, kab jana vychodziła da ludziej. I darosłyja, i dzieci jaje kormiać, hładziać, jana sadzicca ź imi na kanapku, čakaje, pakul jaje buduć pałačkaj-časałkaj pačesvać», — raskazali ŭ zaaparku.
Heta nie adziny prykład taho, jak žyvioły dapamahajuć ludziam źniać stres.
Bolš za 20 hadoŭ tamu ŭ Viciebskim zaaparku žyło siamiejstva javanskich makak, jakija akazvali psichałahičnuju dapamohu ludziam — byŭ navat adkryty kabiniet pryjomu naviedvalnikaŭ. U pamiaškańnie, u jakim žyła siamja prymataŭ, možna było pryjści, pasiadzieć, raskazać pra svaje biedy i prablemy, papłakacca, vykazać kryŭdy i navat pakryčać.
Supracoŭniki zaaparka raspaviadali, što čaściej za ŭsio na pryjom da javanskich makak prychodzili mužčyny va ŭzroście 40‑45 hadoŭ, a taksama junyja dziaŭčaty.
Amierykanskamu janotu-nielehału vydali biełaruski pašpart
Stała viadoma, dzie ciapier budzie žyć janot, jakoha pryvieźli ŭ Biełaruś u kantejniery z mašynami
Jak janotu, jaki prypłyŭ da nas z ZŠA, udałosia miesiac vyžyć u mašynie bieź ježy?
«Lepš było b jaho ŭsypić». Zaołah raskazaŭ, jakaja niebiaśpieka dla Biełarusi moža być ad janota, jakoha znajšli mytniki ŭ kantejniery z ZŠA
Pry pierahruzcy aŭtamabilaŭ z ZŠA biełaruskija mytniki znajšli ŭ hruzie janota FOTY
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
(v pierievodie Hoblina)