«Temp apieracyi pradyktavany toj zbrojaj, jakuju atrymała Ukraina». U čym sutnaść novaj ukrainskaj vajennaj taktyki?
Va ŭmovach, kali kontrnastup sutyknuŭsia z šeraham pieraškod, ukraincy źmianiajuć taktyku. Heta dazvalaje pavolna prasoŭvacca i zachoŭvać značnuju kolkaść reziervaŭ. Realnyja vyniki hetaha možna čakać nie raniej za vosień.
Niamieckaje internet-vydańnie t-onine.de adznačaje, što ŭkrainski kontrnastup, jaki pačaŭsia ŭ červieni, prasoŭvajecca pavolniej, čym čakałasia, i znachodzicca na pačatkovych etapach. Za miesiac była vyzvalenaja terytoryja kala 158 kvadratnych kiłamietraŭ, što, adnak, bolš, čym rasijskija vojski zdoleli zaniać za papiarednija paŭhoda.
Vydańnie pryvodzić słovy amierykanskaha vajskovaha analityka Filipsa O'Brajena (Phillips OʼBrien) pra źmieny ŭ taktycy ŭkrainskich vojskaŭ, jakija atakujuć šyrokim frontam.
«Jany cisnuć pa šyrokaj duzie ad Bachmuta da Dniaproŭskaha frontu dy pavolna i niaŭchilna prasoŭvajucca ŭ mnohich z hetych abłaściej».
Pavodle słoŭ analityka, heta pakazvaje, što Ukraina čarhovy raz adaptujecca da padziej vajny. Takaja chutkaść reakcyi zaŭsiody dapamahała joj z samaha pačatku vajny.
OʼBrajen zaŭvažaje, što ŭkrainskaje vojska bolš nie zasiarodžvajecca na adzinočnych bujnych napadach z užyvańniem tankaŭ, a pravodzić drabniejšyja ataki z udziełam piachoty na vialikaj kolkaści napramkaŭ. Ich meta — asłabić i źniščyć rasijskija ŭzbrojenyja siły.
Takaja taktyka, na dumku OʼBrajena, źviazanaja z tym, što Ukraina paniesła značnyja straty tankaŭ, i budzie praciahvacca da toj pary, pakul nie budzie ździejśnieny jašče adzin tankavy praryŭ.
Pa słovach analityka, bolšaja častka asabovaha składu, vyznačanaja dla kontrnastupu, pa niekatorych acenkach, da 80%, usio jašče znachodzicca ŭ reziervie i prachodzić padrychtoŭku.
Aŭtar artykuła zhadvaje, što ministr zamiežnych spraŭ Ukrainy Dźmitryj Kuleba ŭ intervju haziecie Bild na minułym tydni adznačyŭ try faktary pavolnaha prahresu, akramia daždžoŭ, jakija pieraškadžajuć atakam.
Nastup uskładniaje pieravaha Rasii ŭ pavietry. Kuleba nahadaŭ, što supraćpavietranaja abarona Ukrainy drenna zabiaśpiečanaja i znoŭ zaklikaŭ da pastavak zachodnich źniščalnikaŭ. Heta dazvolić uzmacnić udarnuju mahutnaść vojskaŭ, a taksama abaronić naziemnyja siły i krytyčnuju infrastrukturu.
O'Brajen adznačaje, što nie razumieje krytyku pavolnaha nastupu ŭkraincaŭ.
«Dziŭna, kali ludzi krytykujuć ukraincaŭ za toje, što jany «pavolna» prasoŭvajucca. Jany hetaha nie robiać. Jany robiać toje, što mohuć». Temp «ni chutki, ni pavolny — heta temp apieracyi, što pradyktavany toj zbrojaj, jakuju atrymała Ukraina».
Druhaja prablema, pra jakuju raskazaŭ Kuleba, u značnym zaminiravańni Rasijaj terytoryj. Na abiasškodžvańnie jak supraćpiachotnych, tak i supraćtankavych minaŭ patrabujecca šmat času i šmat asabovaha składu.
Vydańnie adznačaje, što, pa źviestkach Dziaržaŭnaj słužby Ukrainy pa nadzvyčajnych situacyjach, Rasija zaminiravała da 30% terytoryi Ukrainy, što prykładna ŭ dva razy pieravyšaje płošču Aŭstryi. Heta nie tolki vyklik dla vajny, jakaja praciahvajecca. Krainu taksama čakajuć niemałuju niebiaśpieku ŭ paślavajenny pieryjad. Niekatoryja rajony mohuć być nieprydatnymi dla žyćcia na praciahu mnohich hadoŭ.
Pa słovach Kuleby, na jakija spasyłajecca vydańnie, pieraškodaj taksama stali abjekty, uźviedzienyja rasijskim vojskam. Jany nastolki tryvała pabudavanyja, častkova z žalezabietonu, što ich ciažka zavajavać.
Tamu, na dumku ekśpiertaŭ i naziralnikaŭ, kazać pra pravał nastupleńnia zaŭčasna. Vydańnie nahadvaje, što palitołah Alaksandr Dubovy niadaŭna raskazaŭ, što pieršyja tendencyi možna budzie čakać tolki praź niekalki tydniaŭ, a realnyja vyniki, imavierna, tolki vosieńniu.
Aŭtary artykuła zhadvajuć, što pieršy bujny nastup Ukrainy taksama doŭžyŭsia niekalki tydniaŭ. U pieryjad z kanca vieraśnia pa kaniec kastryčnika minułaha hoda Ukraina advajavała niekalki haradoŭ na poŭnačy Chiersonskaj vobłaści, u tym liku Bałakleju, Izium i Liman. U pačatku listapada rasijskija vojski byli adcisnutyja za ŭschodni bierah Dniapra. 11 listapada ŭkrainskija vojski vyzvalili Chierson.
Čytajcie jašče:
Ukraina nanosić udary pa rasijskaj abaronie zdalok, kab nie ryzykavać bajcami — WSJ
Załužny: Nam udałosia pierachapić stratehičnuju inicyjatyvu, jość prasoŭvańnie
«Niekatoryja ličać, što heta halivudski film». Zialenski rastłumačyŭ, čamu ciažka idzie kontrnastup
Kamientary