Litva pierakryła ruch u punkcie propusku «Miedniki» praz hramadzianina Pakistana
Jon jechaŭ na aŭtobusie Minsk — Vilnia i pakazaŭ padroblenyja rumynskija dakumienty.
Siońnia a 13:00 litoŭski bok «u adnabakovym paradku spyniŭ afarmleńnie asob i transpartnych srodkaŭ u punkcie propusku «Miedniki» (Miadzininkaj).
Pradstaŭnik dziaržaŭnaj pamiežnaj słužby (VSAT) Hiedrus Mišucis paćvierdziŭ Elta, što pierasiačeńnie miažy z abodvuch bakoŭ spynienaje ŭ punkcie propusku «Miadzininkaj» na miažy ź Biełaruśsiu. Pavodle jaho słoŭ, było pryniata rašeńnie časova prypynić pierasiačeńnie miažy praz hety KPP, bo biełaruskija ŭłady admovilisia pryniać hramadzianina Pakistana, jaki sprabavaŭ zajechać u Litvu pa padroblenych dakumientach, jak piša Delfi.lt.
Hety čałaviek sprabavaŭ zajechać u Litvu ŭ piatnicu na maršrutnym aŭtobusie «Minsk — Vilnia».
«Hramadzianin Pakistana pakazaŭ pamiežnikam padroblenyja rumynskija pravy kiroŭcy i padroblenaje rumynskaje paśviedčańnie asoby. Zvyčajna heta tyčycca tych, chto choča ŭjechać u krainy Jeŭrasajuza bieź viz», — skazaŭ spadar Mišucis.
Pavodle jaho słoŭ, hetaha hramadzianina vysadzili z aŭtobusa, nie puskajučy ŭ krainu. Pa słovach Mišucisa, u takich vypadkach čałaviek z padroblenymi dakumientami viartajecca ŭ krainu, ź jakoj jon vyjechaŭ, ale biełaruskija ŭłady, pa słovach pradstaŭnika VSAT, admovilisia jaho pryniać.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary