Šviedski premjer-ministr Ulf Krystersan sustreniecca ŭ paniadziełak z prezidentam Turcyi Redžepam Taipam Erdahanam, kab pasprabavać pieraadoleć dypłamatyčny tupik, jaki ŭźnik z-za pazicyi Ankary nakont ustupleńnia Šviecyi ŭ NATO.
Pieramovy dvuch lidaraŭ napiaredadni samitu Aljansu ŭ Vilni prachodziać va ŭmovach, kali NATO imkniecca prademanstravać adzinstva pierad abliččam rasijskaj ahresii va Ukrainie, jak piša Bi-bi-si.
U niadzielu Erdahan pahavaryŭ pa telefonie z prezidentam ZŠA Džo Bajdenam, kali toj znachodziŭsia ŭ samalocie i nakiroŭvaŭsia ŭ Łondan. U karotkim paviedamleńni Biełaha doma adznačałasia, u pryvatnaści, što «Bajden vykazaŭ žadańnie jak maha chutčej pryniać Šviecyju ŭ NATO».
Adnačasova z hetym pres-słužba tureckaha lidara paviedamiła, što padčas razmovy Erdahan i Bajden damovilisia pravieści dvuchbakovuju sustreču na samicie NATO.
U razmovie Erdahan adznačyŭ, što Šviecyja raspačała pravilnyja kroki, kali ŭniesła papraŭki ŭ antyterarystyčnaje zakanadaŭstva, adnak rašeńnie Stakholma dazvolić akcyi prychilnikaŭ zabaronienaj u Turcyi Rabočaj partyi Kurdystana «zvodzić hetyja kroki na ništo».
Erdahan taksama skazaŭ, što pamyłkova źviazvać płanavanuju pieradaču Turcyi amierykanskich źniščalnikaŭ F-16 (hetuju ŭhodu jašče pavinien uchvalić Kanhres) z pytańniem ab členstvie Šviecyi ŭ NATO.
Turcyja i Vienhryja zastajucca adzinymi čalcami NATO, jakija błakujuć ratyfikacyju dałučeńnia Šviecyi da Aljansu.
Budapiešt zajaŭlaŭ, što zrobić tak, jak Ankara, i ŭchvalić siabroŭstva Šviecyi ŭ NATA, kali Turcyja daść zialonaje śviatło.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary