Vajna99

Žurnalistam udałosia dakładna acanić straty Rasii padčas poŭnamaštabnaj vajny z Ukrainaj

Kreml śviadoma chavaje, kolki rasijskich vajskoŭcaŭ zahinuła va Ukrainie z-za jaho hieapalityčnych ambicyj. Žurnalisty «Mieduzy» i «Miediazony» sumiesna z daśledčykam zališniaj śmiarotnaści z dapamohaj dvuch niezaležnych mietadaŭ zmahli z vysokaj dakładnaściu padličyć straty rasijskaj armii ŭ poŭnamaštabnaj vajnie, raźviazanaj Pucinym.

 U Maskvie z pačatku vajny va Ukrainie źjavilisia tysiačy vajenna-prapahandysckich biłbordaŭ. Fota: Contributor / Getty Images

Aficyjnaj adkrytaj statystyki nakont rasijan, jakija zahinuli va Ukrainie paśla 24 lutaha 2022 hoda, niama. Kab heta vyśvietlić, žurnalisty vykarystoŭvali dźvie krynicy.

Pieršaja — heta Rejestr spadčynnych spraŭ (RSS), adkrytych hramadzianami RF na svaich pamierłych svajakoŭ (jość danyja ź jaho da kanca maja 2023-ha).

Druhi — atrymanyja pa aficyjnym zapycie danyja Rasstata ab śmiarotnaści, ale tolki za 2022-i.

Praca z kožnaj krynicaj zapatrabavała dvuch roznych mietadaŭ, ale abodva dali vielmi blizki vynik pa 2022 hodzie. Zychodziačy z hetaha, možna zrabić vysnovu, što raźliki pa 2023 hodzie, zroblenyja na padstavie RSS, taksama dakładnyja.

Kab zrazumieć, jakaja dola zabitych vajskoŭcaŭ traplaje ŭ RSS, rasśledavalniki vykarystoŭvali śpis zahinułych, znojdzienych u sacsietkach i na mohiłkach; jaho składajuć «Miediazona» i Ruskaja słužba Bi-bi-si.

U daśledavańni žurnalisty vykarystoŭvali paniaćcie «zališniaj śmiarotnaści». Pry hetym ich cikaviła tolki zališniaja mužčynskaja śmiarotnaść, jakuju patrabavałasia asablivym čynam vyłučyć z ahulnych danych. Pry daśledavańni RSS taksama treba było daviedacca, kolki śmierciaŭ staić za adnoj spadčynnaj spravaj (heta značyć svajaki jakoha pracenta ludziej źviartajucca pa atrymańnie jaho spadčyny) — i žurnalisty heta zrabili. 

Takim čynam, pavodle daśledavańnia, 

na 27 maja 2023 hoda (heta značyć da pačatku ŭkrainskaha kontrnastupleńnia) ahulnaja kolkaść zahinułych z rasijskaha boku skłała 47 tysiač čałaviek (kali jašče dakładniej, ź imaviernaściu 95% kolkaść zahinułych znachodzicca ŭ miežach 40 i 55 tysiač).

U hetuju ličbu nie ŭvachodziać straty mabilizavanych i dobraachvotnikaŭ z Danieckaj, Łuhanskaj, Chiersonskaj i Zaparožskaj abłaściej Ukrainy. Miž tym viadoma, što mienavita čaści tak zvanych «DNR» i «ŁNR» u 2022-m panieśli samyja ciažkija straty.

Takim čynam, rasijskaja armija paniesła straty ŭ try ci čatyry razy bolšyja, čym Saviecki Sajuz padčas vajny ŭ Afhanistanie (1979—1989), i ŭ dzieviać razoŭ bolšyja za straty fiederalnych vojskaŭ padčas pieršaj čačenskaj kampanii (1994—1996).

Ab inšych niezvarotnych stratach US RF udałosia daviedacca mienš.

Z ulikam ciažkaparanienych vajskoŭcaŭ, zvolnienych sa słužby, ahulnaja ich kolkaść moža skłaści minimum 125 tysiač čałaviek (a mahčyma, značna bolš).

Bolš padrabiazna, jak ličyli i da jakich vysnoŭ pryjšli žurnalisty, možna pračytać tut. 

Kamientary9

  • AlesGut
    10.07.2023
    Tak zvanyja charošyja ruskija padličyli sapraŭdnych charošych ruskich. Kaniešnie vierym, aha.
  • Oleh
    10.07.2023
    Točnych potieŕ rośsijan nikto nie znajet. Kromie toho fakta, čto oni prosto ohromnyje. V Rośsiju na zachoronienije popadajet nie tak už moho tieł pohibšich, no i etoho količiestva chvatajet, čtoby kładbiŝa vyrośli v razy. Bolšoje količiestvo svoich pohibšich rośsijanie sžihajut na miestie v Ukrainie v mobilnych kriematorijach. A jeŝio bolšie trupov okkupantov valajutsia brošiennymi i nikomu nie nužnymi v lesoposadkach i polach Ukrainy. Boleje-mienieje točnyje cifry my uznajem tolko pośle vojny, da i to nie srazu a so vriemieniem.
  • kot
    10.07.2023
    Common sense , filkina hramota - tam odnich "propavšich bieź viesti" bolšie.A sudia po rožam plennych trudno priedpołožiť,čto on možiet imieť naśledstvo.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim14

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Usie naviny →
Usie naviny

U parku Čaluskincaŭ źjavicca «Vieža svabodnaha padzieńnia»2

Miadźviedzieŭ pra ŭltymatum Trampa: Rasii ŭsie roŭna8

«Adzin hladzieŭ telefon, druhi razmaŭlaŭ, a treci ŭ baku naziraŭ». Jak ciapier pravodziać dopyty na miažy Biełarusi ź ES17

Trampa spytali, ci jon usio jašče ličyć NATA sastarełaj arhanizacyjaj

Pakalečanaja ŭ Dubai ŭkrainskaja madel pačała havaryć33

«Napramak suśvietnaha ŭzroŭniu». Kurort u Paŭnočnaj Karei budavali, kab adkryć KNDR śvietu, ale pakul i rasijanie nie chočuć jechać8

BMW sutyknułasia ź ZIŁ. Dva čałavieki zahinuli ŭ DTZ u Žytkavickim rajonie

Maci sprabavała viarnuć traich dziaciej praz TikTok. Što vyrašyła kamisija?

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym11

bolš čytanych navin
bolš łajkanych navin

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim14

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Hałoŭnaje
Usie naviny →

Zaŭvaha:

 

 

 

 

Zakryć Paviedamić