«Z uschodu na zachad». Stała viadoma, kudy pieraviali Paŭła Sieviarynca
Palityka adpravili ŭ Hrodna.
«Sprabavała zranku vyśvietlić u Škłovie, dzie ž Pavieł. Daviedałasia tolki, što ŭžo vyvieźli. Pa telefonie vialiki ž sakret, ici ich mać! Užo stała damaŭlacca, što adviazuć u Škłoŭ, kab najaŭ u vočy administracyi vykazać usio, što dumaju pra ich. A tut telić Volečka. Atrymała ad Pašy listy až z Hrodna. Turma numar 1. Asvojvaje moj synok umovy novaj turmy… Z uschodu na zachad. Pišuć jamu bijahrafiju», — napisała ŭ fejsbuku jaho maci Taćciana Sieviaryniec.
Paŭła Sieviarynca zatrymali 7 červienia 2020 hoda kala doma, kali jon viartaŭsia ź pieradvybarčaha pikieta Śviatłany Cichanoŭskaj na minskaj Kamaroŭcy. Z taho času jon za kratami. Praz hod jamu dali siem hadoŭ kałonii.
Uviesnu Pavieł Sieviaryniec trapiŭ u pamiaškańnie kamiernaha typu ŭ jakaści čarhovaha spahnańnia: sioleta ŭ krasaviku administracyja PK-17 pastaviła palitźniavolenaha na ŭlik jak złosnaha parušalnika režymu. Jamu skaracili dazvolenuju kolkaść zvankoŭ dadomu i hrašovych pieravodaŭ, a paźniej pazbavili i praciahłaha spatkańnia. Jašče praź niekalki miesiacaŭ kiraŭnictva kałonii źviarnułasia ŭ sud, kab pieravieści Sieviarynca na bolš strohi režym utrymańnia.
Škłoŭski rajonny sud padtrymaŭ zajaŭnikaŭ: najbližejšyja try hady Pavieł Sieviaryniec musić pravieści za turemnymi kratami.
Kamientary