«Biesprecedentna i absurdna» — Zialenski emacyjna raskrytykavaŭ partnioraŭ pa NATA
Uładzimir Zialenski pa darozie na samit NATA adreahavaŭ na kułuarnyja razmovy partnioraŭ ab tym, što na samicie zamiest siabroŭstva ŭ Aljansie buduć abmiarkoŭvać tolki niejkija ŭmovy dla zaprašeńnia Ukrainy.
«My šanujem našych sajuźnikaŭ. My cenim našu ahulnuju biaśpieku. I my zaŭsiody cenim ščyruju razmovu. Ukraina budzie prysutničać u Vilni na samicie NATA, bo heta — pavaha. Ale Ukraina taksama zasłuhoŭvaje pavahi. Ciapier, na šlachu ŭ Vilniu, my atrymali sihnały, što abmiarkoŭvajucca farmuloŭki biez Ukrainy. I ja chaču padkreślić: heta farmuloŭka tolki na zaprašeńnie, a nie na siabroŭstva Ukrainy. Biesprecedentna i absurdna, kali niama nijakich časavych ramak i dla zaprašeńnia, i dla siabroŭstva Ukrainy; i kali zamiest hetaha dadajecca niejkaja dziŭnaja farmuloŭka pra «ŭmovy» navat dla zaprašeńnia Ukrainy…» — napisaŭ Zialenski ŭ svaim telehram-kanale.
Jon miarkuje, što ciapier u Aljansu niama hatoŭnaści ni zaprasić Ukrainu ŭ NATA, ni zrabić jaje čalcom Aljansu. A značyć, zastajecca mahčymaść tarhavacca siabroŭstvam Ukrainy ŭ NATA ŭ pieramovach z Rasijaj.
«A dla Rasii heta aznačaje matyvacyju i dalej praciahvać svoj teror. Niavyznačanaść — heta słabaść. I ja adkryta abmiarkuju heta na samicie», — padsumavaŭ prezident Ukrainy.
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary