U litoŭskuju prakuraturu niechta dasłaŭ fejkavy list ad imia Siarhieja Cichanoŭskaha
Heta byŭ elektronny zvarot sa śćvierdžańniem, što litoŭski deputat abražaje biełaruskich palitykaŭ. Ale vyśvietliłasia, što list byŭ padroblenym, piša LRT.
U fejkavym liście niechta ad imia Siarhieja Cichanoŭskaha vystupiŭ z patrabavańniem rasśledavać dziejnaść litoŭskaha deputata Vitaŭtasa Sinicy. Pryčynaj nibyta stali jaho abrazy Śviatłany i Siarhieja Cichanoŭskich.
Prakuratura spačatku nie zaŭvažyła padrobki, ale prapanovu rasśledavać spravu nie padtrymała. Nie padtrymała jaje i Kamisija pa etycy i pracedurach.
Siabra frakcyi «Libieralny ruch» Arminas Lideka zajaviŭ LRT, što nie sumniavaŭsia ŭ sapraŭdnaści dakumienta, tym bolš što jaho pieradała parłamientaryjam prakuratura. Pavodle jaho, zvarot vyhladaŭ jak zvyčajny elektronny list. Dakumient nie razhledzieli prosta tamu, što jon byŭ napisany ruskaj movaj.
Ofis Cichanoŭskaj paćvierdziŭ žurnalistam LRT, što dakumient — padrobka. Daradca Cichanoŭskaj Dzianis Kučynski zaŭvažyŭ, što jany nie vystupajuć suprać litoŭskaha deputata, jaki ich krytykuje.
«Siarhiej pastupova pačnie razmaŭlać pa-litoŭsku. Jon nie maje prava mianiać palityku Litvy, jon pavažaje zakony, jon nie źbirajecca pisać takija listy. Litva — demakratyja, u kožnaha jość prava na svabodu słova, jaje palityki — asabistaja sprava Litvy. Heta narmalna», — skazaŭ jon.
Deputat Vitaŭtas Sinica prapanoŭvaŭ anulavać akredytacyju Ofisa Cichanoŭskaj u Litvie. Jon byŭ namieśnikam staršyni partyi «Nacyjanalnaje abjadnańnie», zastavaŭsia adzinym pradstaŭnikom partyi ŭ Siejmie, atrymaŭšy mandat u adnamandatnaj akruzie. Niadaŭna jaho vyklučyli z partyi.
Litoŭskaja partyja vyklučyła sa svaich šerahaŭ deputata, jaki zaklikaŭ prahnać ź Litvy Ofis Cichanoŭskaj
MZS Litvy nie budzie razhladać prapanovu miascovaha deputata ab anulavańni akredytacyi ofisa Cichanoŭskaj
Niekalki dziasiatkaŭ čałaviek pratestavali ŭ Vilni suprać Ofisa Cichanoŭskaj
Litoŭski deputat paskardziŭsia ŭ prakuraturu na Siarhieja Cichanoŭskaha
Kamientary