Stała viadoma, za što cełuju siamju minskaha biznesmiena pryhavaryli da 5 hadoŭ kałonii
Sud pa spravie Iryny, Hienadzia i Vijalety Saŭryckich adbyŭsia ŭ listapadzie 2024 hoda, ale sutnaść ich kryminalnaj spravy pravaabaroncam «Viasny» stała viadoma tolki ciapier.
Pa infarmacyi «Viasny», 61-hadovaha Hienadzia, 59-hadovuju Irynu i 23-hadovuju Vijaletu Saŭryckich asudzili za ich videarolik 2020 hoda, u jakim jany zaklikali spynić hvałt. Tam jany vykarystoŭvali zapisy z pratestaŭ i ich razhonaŭ, a taksama vierš Jaŭhienija Jeŭtušenki «Nie nado bojaťsia hustoho tumana».
Za videa ich pryhavaryli da 5 hadoŭ kałonii pa abvinavačvańni ŭ raspalvańni sacyjalnaj varožaści (častka 3 artykuła 130 KK).
Rolik Hienadź Saŭrycki dasyłaŭ znajomym u pryvatnych pierapiskach WhatsApp i ŭ pracoŭnym čacie ŭ telehramie.
Usie jany vinu nie pryznali. Iryna i Vijaleta skazali, što zapisvali zvarot pa prośbie Hienadzia. Žonka na sudzie raspaviała, što mety jaho byli joj nieviadomyja. Paźniej jana była aburanaja faktam stvareńnia videarolika, prasiła muža jaho vydalić. Vijalecie, jak skazała jana na pasiadžeńni, mety stvareńnia zvarotu byli niecikavyja.
Hienadź skazaŭ, što ŭ adzin ź dzion leta 2020 hoda na emocyjach ad ubačanych u internecie źviestak ab užytym z boku supracoŭnikaŭ hvałcie da pratestoŭcaŭ vyrašyŭ zapisać videazapis z zaklikam da abhruntavanaha prymianieńnia siły. Prydumaŭ tekst vystupu, paśla čaho paprasiŭ svaju dačku jaho pračytać. Taksama jon paprasiŭ žonku vykazacca ab vybarach.
«Pieršapačatkova jana admaŭlałasia, ale jon uhavaryŭ jaje skazać na kamieru niekalki słoŭ. Padčas zapisu videa vystupy žonki i dački jon pakazvaŭ im dałoniami ruk simvał dabra ŭ vyhladzie serca, jany pakazali jamu ŭ adkaz taki ž simvał. U hety ž dzień jon vykazaŭ na videa pažadańni ab dalejšym losie krainy, u kancy svajho vystupu taksama pakazaŭ simvał u vyhladzie serca. Paśla hetaha jon znajšoŭ u internecie videaroliki i zmantavaŭ videa», — pieradaje «Viasna».
Žančyny adbyvajuć pakarańnie ŭ homielskaj žanočaj kałonii № 4, a były biznesmien — u mahiloŭskaj kałonii № 15. Usie jany ŭklučanyja ŭ «śpis terarystaŭ».
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary
Vsiech pobiedivšije, v 2020 hodu, viedut siebia, kak vsio proihravšije.....