Miascovyja ŭłady pahražajuć likvidacyjaj majsterni i rujnavańniem budynka, zroblenaha ź biarvieńniaŭ staroj carkvy.
Miascovyja ŭłady pahražajuć likvidacyjaj majsterni i rujnavańniem budynka, zroblenaha ź biarvieńniaŭ staroj carkvy.
Mastak Juryj Miakki pierajechaŭ u viosku Słavieni Tałačynskaha rajona (Viciebckaja vobłaść) ź Minska ŭ kancy 80‑ch. U budynku majsterni, u jakoj raniej pracavaŭ inšy miascovy mastak Juryj Palakoŭ, viaskovyja dzieci vučylisia mastactvu. Juryj Miakki, viarnuŭšysia na małuju radzimu, praciahnuŭ hetuju spravu. Pavodle słoŭ mastaka, miascovyja ŭłady sadziejničali takoj inicyjatyvie, ale ŭ 2007 hoda paviedamili, što majsterniu začyniajuć, kab pieranieści tudy viaskovuju biblijateku.
«Nam pastavili ŭmovu — adkryć u budynku adździaleńnie Tałačynskaj škoły mastactvaŭ. Ja pahadziŭsia i adkryŭ mastacki kłas, ale źjavilisia novyja prablemy — na isnavańnie mastackaha kłasa nie było vydzielena ni kapiejki», — raspavioŭ mastak.
U 2009 hodzie Miakki zvolniŭsia, ale praciahvaŭ pracavać u majsterni i zajmacca z adoranymi dziećmi. Adnojčy, pryjechaŭšy ź Miensku, jon zaŭvažyŭ, što reštki parka, dzie raśli staražytnyja drevy, źniščany. Jak akazałasia, rajvykankam nie davaŭ nijakich zahadaŭ na źniščeńnie parku, a heta, pa ŭłasnaj inicyjatyvie, zrabiła dyrektarka Słavienskaj škoły.
Miakki namalavaŭ płakaty suprać vyniščeńnia parku i vystaviŭ u voknach majsterni. Jak śćviardžaje mastak, na nastupny dzień tudy pranikła supracoŭnica škoły i skrała płakaty. Paśla hetaha na mastaka pasypalisia represii. Zahadčyk adździeła Tałačynskaha rajvykankamu Alaksandr Ražanski papiaredziŭ mastaka, kab toj vynies svaje rečy z majsterni, bo jaje źbirajucca znosić.
U čaćvier 26 listapada mastak začyniŭsia ŭ majsterni, kab baranić jaje da kanca. Pakul, budynak nie čapajuć.
Pavodle słoŭ Juryja Miakkaha, siońnia ŭ Tałačynski rajon pryjechała pravierka ź Ministerstva kultury.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu4
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2626
Kamientary