Biełarusy sabrali patrebnuju sumu na apieracyju Vitalu Tysievu — bolš za 45 000 jeŭra
Historyja žychara Stoŭbcaŭ Vitala Tysieva, jaki musiŭ praz palityčny pieraśled pakinuć radzimu i jaki ciapier žyvie ŭ Polščy ź ciažkaj chvarobaj, u sakaviku nie pakinuła abyjakavymi mnohich biełarusaŭ. Vitalu tady chutka sabrali na apieracyju amal 20 tysiač jeŭra, adnak polskaja klinika ŭ apošni momant admoviłasia jaje rabić.
Ciapier dla mužčyny znajšli niamieckuju kliniku, ale apieracyja tam kaštuje daražej, čym udvaja. Vitalu apieracyja nieabchodnaja terminova, inakš jaho moža paralizavać. Jak bačna na staroncy zboru, na hety momant usia nieabchodnaja suma sabranaja. Hrošy ŭdałosia sabrać litaralna za 10 dzion.
Nahadajem, u žniŭni 2020-ha Vitala zatrymali padčas pratestaŭ i mocna źbili. U jaho pačaŭ raźvivacca vielmi ahresiŭny ankiłazirujučy spandylit (aŭtaimunnaja chvaroba złučalnaj tkanki), zraślisia ŭsie sustavy chrybietnika i roznyja inšyja sustavy. Kali za najbližejšyja tydni Vitalu nie zrobiać apieracyju, jaho moža paralizavać.
Kamientary