Hirkin prahnazuje razhrom rasijskich hrupirovak u Siryi i Armienii tureckimi vojskami
Rana ci pozna Rasii daviadziecca ŭstupić u vajennaje sutyknieńnie z Turcyjaj pa inicyjatyvie apošniaj, miarkuje pałkoŭnik FSB u adstaŭcy, a ciapier błohier Ihar Strałkoŭ (Hirkin).
Pa mierkavańni Strałkova, u vypadku vajennaha sutyknieńnia arenaj bajavych dziejańniaŭ buduć Siryja, Zakaŭkaźzie i Čornaje mora. Jon nie vyklučaje pramoha ŭdziełu bujnych kantynhientaŭ tureckich vojskaŭ (pad vyhladam «dobraachvotnikaŭ» ci navat biez takoha prykryćcia) u apieracyjach suprać rasijskaj armii va Ukrainie i ŭ Krymie.
Pałkoŭnik FSB ličyć, što sprava da pramoj adkrytaj vajennaj kanfrantacyi Turcyi z Rasijaj dojdzie paśla taho, jak turecki bok vyciśnie z Kramla ŭsie mahčymyja sastupki, jakija tolki možna atrymać mirnym šlacham.
Na dumku Strałkova, niepasredny momant ustupleńnia ŭ vajnu budzie abrany z ulikam maksimalnaha asłableńnia vajskovych sił Rasii i jaje niehatoŭnaści da adbićcia ahresii.
Pałkoŭnik FSB maluje scenar raźvićcia padziej.
Pieršym etapam stanie zakryćcio pralivaŭ Basfor i Dardaneły dla rasijskaha fłota i sudnaŭ, jakija dastaŭlajuć padmacavańni ŭ Siryju. Pry hetym jon ličyć, što na takoje Erdahan moža pajści ŭžo sioleta.
Druhi etap budzie ŭklučać sieryju ŭzbrojenych pravakacyj u Siryi z boku «ŭzbrojenaj apazicyi» suprać rasijskich vojskaŭ. Ich metaj budzie pašyreńnie zony kantrolu pratureckich siłaŭ.
Tureckija vojski dačakajucca, pakul u chodzie hetych pravakacyj u rasijskaha ekśpiedycyjnaha korpusa skončycca zapas bojeprypasaŭ, i pasprabujuć nanieści jamu i siryjskim vojskam na poŭnačy Siryi poŭnuju parazu. Va ŭmovach adrazańnia ad zabieśpiačeńnia i padmacavańnia, ekśpiedycyjny korpus nie maje šancaŭ pieramahčy tureckuju armiju.
U eskałacyi kanfliktu, ličyć Strałkoŭ, buduć abvinavačanyja vyklučna Rasija i aficyjny Damask.
Druhim polem vajennych dziejańniaŭ, na dumku pałkoŭnika FSB, moža stać rasijski miratvorčy kantynhient u Karabachu i ŭ Armienii. Jon, na dumku Strałkova, budzie złamany i (u najlepšym vypadku) internavany armianami. U horšym vypadku — jon budzie prosta źniščany i zachopleny ŭ pałon turecka-azierbajdžanskaj kaalicyjaj.
Na dumku Strałkova, ad razhromu rasijskich vojskaŭ u Siryi turkaŭ moža strymać (akramia pramoj pahrozy prymianieńnia jadziernaj zbroi) niepasrednaje ŭmiašańnie Irana i jaho hatoŭnaść adkryta ŭstupić u vajennaje supraćstajańnie z Turcyjaj u Siryi i Zakaŭkaźzi. Zacikaŭlenaść Irana ŭ hetym abumoŭlenaja tym, što Turcyja i Azierbajdžan ciapier uzmocniena siabrujuć z zaklatym voraham Irana — Izrailem.
Ale i biez poŭnamaštabnaha vajennaha kanfliktu, ličyć Strałkoŭ, rasijskuju hrupiroŭku ŭ Siryi turki «zadušać», bo ŭsie kamunikacyi trymajucca na marskim zabieśpiačeńni praz Novarasijsk na Tartus, a pierakryć pavietranuju prastoru ź Siryjaj dla turkaŭ taksama nie prablema.
Niahledziačy na vidavočnuju pahrozu, pytańnie ab svoječasovym vyvadzie rasijskaha ekśpiedycyjnaha korpusu ź Siryi dahetul nie stavicca. U vyniku, jak adznačaje pałkoŭnik FSB, bujnaja hrupiroŭka rasijskich vajskoŭcaŭ zastajecca «ŭ zakładnikach» u Erdahana.
Jak ličyć Strałkoŭ, z vysokaj imaviernaściu možna čakać, što admova ad zbožžavaj uhody pryviadzie ŭ dziejańnie łancužok nastupstvaŭ, jakija zakanamierna pryviaduć da rezkaha abvastreńnia rasijska-tureckich adnosin i paskareńnia niepaźbiežnaha pierachodu Turcyi ŭ łahier adkrytych vorahaŭ Rasii.
Na dumku błohiera i pałkoŭnika FSB, čas, adpuščany na mahčymaść evakuacyi rasijskich vojskaŭ ź Siryi padčas dziejańnia «ŭhody», mabyć, užo niezvarotna stračany.
Čytajcie jašče:
Rasijskija ŭłady zajavili ab spynieńni dziejańnia zbožžavaj uhody
Strałkoŭ patłumačyŭ, našto patrebny adzin adnamu Łukašenka i «Vahnier»
Kamientary