Rolik byłoha lidara pradprymalnikaŭ ź filtram staraści ŭ TikTok sabraŭ kala tysiačy kamientaroŭ. Šumčanku zasypajuć kamplimientami i prapanovami ab znajomstvie.
«Technałohii — jany takija, — raspaviadaje Anatol Šumčanka «Narodnaj Voli». — 113 tysiač prahladaŭ za paru dzion i kala 1000 kamientaroŭ pad maim videa ŭ Tik Tok, jon taksama źmieščany i ŭ instahramie.
A kolki babul pryniali mianie za svajho adnahodka i zajzdrosnaha žanicha ŭ vobrazie dziaduli Toli, napisaŭšy mnie ciopłyja i pryznalnyja słovy, — nie źličyć!
Mianie zasypajuć kamplimientami damy ŭsich uzrostaŭ i z roznych krain, pišuć mnie pryjemnyja pažadańni, prapanujuć paznajomicca, pasiabravać i navat pierajechać u inšuju krainu: maŭlaŭ, jakija vašy hady, usio ŭ vas jašče napieradzie, vy vielmi cikavy mužčyna! Kažuć, što sivizna mnie da tvaru i što mužčyny — jak dobraje vino, z kožnym hodam tolki lepšymi i pryvabniejšymi stanoviacca. Niekatoryja zyčać mnie znajści tuju samuju svaju žančynu…
Ja, viadoma, śmiajaŭsia. I ŭžo stamiŭsia pisać, što heta — prosta filtr staraści, ale heta, padobna, užo nie maje nijakaha značeńnia: sa mnoj aktyŭna chočuć znajomicca. Amal jak u tym filmie «U džazie tolki dziaŭčaty»: «U kožnaha svaje niedachopy».
Uvohule, z padobnymi filtrami treba być akuratniejšym, kab nie skacicca ŭ paralelnyja suśviety padvajeńnia asoby».
Varta zaŭvažyć, što Anatol Šumčanka daŭno i ščaśliva žanaty. Žonka da papularnaści muža ŭ sacsietkach stavicca z uśmieškaj i razumieńniem.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary