Novaja spravazdača ab represijach u Biełarusi i mahčymyja varyjanty pravasudździa
Centr prava i demakratyi Justice Hub dniami apublikavaŭ spravazdaču ab złačynstvach suprać čałaviečnaści ŭ Biełarusi i miechanizmach pryciahnieńnia da adkaznaści vinavatych. Jana achoplivaje pieryjad z maja 2020-ha da maja 2023 hoda.
U spravazdačy padkreślivajecca, što palityka biełaruskich uładaŭ u hety čas adznačałasia hvałtam suprać pratestoŭcaŭ, zabieśpiačeńniem biespakaranaści vinavatych, dyskryminacyjaj hramadzianskaha nasielnictva, zajavami vysokapastaŭlenych asob, jakija zaachvočvajuć napad na hramadzianskaje nasielnictva, prapahandaj nianaviści ŭ dačynieńni da hramadzianskaha nasielnictva praź ŚMI, zabaronaj prafiesijnaj dziejnaści dla atakavanaha hramadzianskaha nasielnictva.
Asobnaja ŭvaha ŭ spravazdačy nadajecca dziejańniam pradstaŭnikoŭ siłavych struktur (AMAP, KDB, HUBAZiK i inšyja), a taksama sudździaŭ, prakuroraŭ, vyšejšaha palityčnaha kiraŭnictva režymu.
Poŭnuju viersiju spravazdačy možna pračytać pa spasyłcy.
Palityk Pavieł Łatuška kaža, što Narodnaje antykryzisnaje ŭpraŭleńnie akazała padtrymku centru prava i demakratyi ŭ dadzienaj pracy.
«U apublikavanaj spravazdačy faktyčna abhruntoŭvajecca vykanańnie kryteryju Mižnarodnaha kryminalnaha prava «ab najaŭnaści dastatkovych padstaŭ mierkavać», što niezakonnaje pazbaŭleńnie voli, katavańni, zabojstvy, hvałtoŭnyja źniknieńni, pieraśledy pa palityčnych padstavach, a taksama departacyja ŭ kantekście šyrokamaštabnaha i sistematyčnaha napadu suprać hramadzianskaha nasielnictva Biełarusi z maja 2020 hoda pa ciapierašni čas składajuć złačynstvy suprać čałaviečnaści.
U spravazdačy pakazvajecca, što achviarami dadzienych złačynstvaŭ źjaŭlajecca nie mienš 136 000 čałaviek.
Ja b chacieŭ źviarnuć asablivuju ŭvahu na tuju častku spravazdačy, dzie padkreślivajecca, što hety napad na hramadzianskaje nasielnictva źjaŭlajecca dziaržaŭnaj palitykaj režymu Łukašenki».
Častka spravazdačy pryśviečana pryciahnieńniu da adkaznaści vinavatych u złačynstvach.
«Faktyčna ŭ dadzienych raździełach źmiaščajecca padrabiazny ałharytm dziejańniaŭ pa zadziejničańni tych ci inšych miechanizmaŭ mižnarodnaha kryminalnaha pravasudździa. Razmova ab Mižnarodnym kryminalnym sudzie, stvareńni śpiecyjalnaha Mižnarodnaha kryminalnaha trybunała pa Biełarusi i prymianieńni ŭniviersalnaj jurysdykcyi na nacyjanalnym uzroŭni», — kaža Pavieł Łatuška.
Jon dadaje, što NAU ŭžo pracuje ŭ hetych napramkach.
Ciapier čytajuć
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich2525
Kamientary