«Adna babka skazała». Minabarony ździekliva asprečyła parušeńnie polskaj miažy biełaruskimi viertalotami
Pavodle Minabarony Biełarusi, «abvinavačvańni ŭ parušeńni miažy Polščy viertalotami Mi-24 i Mi-8 biełaruskich VPS i vojskaŭ SPA źjaŭlajucca nadumanymi i byli zroblenyja polskim vajenna-palityčnym kiraŭnictvam dla čarhovaha apraŭdańnia naroščvańnia sił i srodkaŭ la biełaruskaj miažy». U svajoj zajavie viedamstva prytrymlivajecca raźviaznaha stylu, raniej charakternaha bolš dla MZS.
Pavodle pres-słužby Ministerstva abarony:
«Jašče z ranicy apieratyŭnaje kamandavańnie Uzbrojenych sił Polščy supakojvała nasielnictva zajavami ab tym, što polskija radary nie fiksavali parušeńnia dziaržmiažy, a ŭviečary (mabyć, paraiŭšysia sa svaimi zaakijanskimi haspadarami) užo paviedamili, što «pierasiačeńnie miažy adbyvałasia na vielmi nizkaj vyšyni, što pieraškadžała vyjaŭleńniu radyjołakacyjnymi sistemami.
Paviedamleńnie, nie paćvierdžanaje danymi abjektyŭnaha kantrolu z boku Polščy, Ministerstva abarony Respubliki Biełaruś razhladaje ŭ styli «adna babka skazała» i adznačaje, što parušeńnia pavietranaj prastory viertalotami Mi-24 i Mi-8 nie było».
Čytajcie taksama:
Łukašenka pryhraziŭ padryvam BiełAES i zajaviŭ pra kantraktnuju armiju na asnovie vahnieraŭcaŭ
Polšča adpraviła na miažu ź Biełaruśsiu svaich snajpieraŭ
Siońnia prykmiet pravakacyj vahnieraŭcaŭ suprać Litvy niama, ale jość spakusa ich zładzić — Naŭsieda
Kamientary