Viačasłavu Sałodkamu z Baranavičaŭ dali hod kałonii za «abrazu» Łukašenki
Staŭ viadomy prysud žycharu Baranavičaŭ Viačasłavu Sałodkamu, abvinavačanamu ŭ publičnaj abrazie Alaksandra Łukašenki pavodle č. 1 art. 368 Kryminalnaha kodeksa. Spravu razhladała sudździa Aksana Litvinčyk, piša «Viasna».
Pavodle materyjałaŭ śledstva, Viačasłava abvinavacili ŭ tym, što jon, nibyta ŭ niećviarozym stanie, u prysutnaści supracoŭnikaŭ milicyi «vykazvaŭ frazy, jakija źnievažajuć honar i hodnaść Alaksandra Łukašenki».
Zapisy ź videarehistrataraŭ milicyjantaŭ paźniej vykarystoŭvalisia ŭ sudzie jak dokazy vinavataści Sałodkaha. Jakimi mienavita słovami vykazvaŭsia Viačasłaŭ, nie ŭdakładniajecca.
«Bieraściejskaja viasna» znajšła pastanovu Baranavickaha suda na Viačasłava Sałodkaha ad 9 sakavika 2023 hoda. U administracyjnym pratakole było napisana, što «niećviarozy Sałodki nibyta pavodziŭ siabie zadzirliva, razmachvaŭ rukami, kryčaŭ, čym naŭmysna parušyŭ hramadski paradak i spakoj hramadzian», čym ździejśniŭ drobnaje chulihanstva (artykuł 19.1 KaAP). Sudździa Mikałaj Kmita prysudziŭ za heta 12 sutak administracyjnaha aryštu.
Za vykazvańni niepachvalnych słoŭ pra Łukašenku sudździa Litvinčyk pryznačyła Sałodkamu pakarańnie ŭ vyhladzie pazbaŭleńnia voli terminam na adzin hod kałonii ahulnaha režymu.
Čytajcie taksama:
U Biełarusi novaje «ekstremisckaje farmavańnie» — prajekt daroha
HUBAZiK prymusiŭ mužčynu źvieści tatuiroŭku z radkom «Nie być skotam»
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary