Samalot «Tureckich avijalinij» Vilnia — Stambuł pralacieŭ nad terytoryjaj Biełarusi
Samalot, jaki vylecieŭ učora sa stalicy Litvy, pierš čym uvajści ŭ pavietranuju prastoru Polščy pralacieŭ nad Biełaruśsiu.
Pradstaŭnik dziaržaŭnaj kampanii Oro navigacija ŭ kamientary partału Lrytas zajaviŭ, što sankcyi nie byli parušanyja, bo paloty nad biełaruskaj pavietranaj prastoraj nie zabaronienyja dla avijapieravozčykaŭ z krain, jakija nie ŭvachodziać u Jeŭrasajuz. Im tolki rekamiendujecca paźbiahać palotaŭ nad Biełaruśsiu.
«U hetym vypadku trajektoryja palotu była źmienienaja, kab paźbiehnuć niebiaśpiečnych navalničnych vobłakaŭ», — skazaŭ kiraŭnik rehijanalnaha centra kiravańnia palotami.
U červieni nad Biełaruśsiu pralacieŭ samalot Civat — Vilnia avijakampanii Air Montenegro. Paśla prymusovaj pasadki samalota RyanAir u Minsku ŭ mai 2021 hoda, u vyniku jakoj byli zatrymanyja žurnalist Raman Pratasievič i jahonaja siabroŭka Safija Sapieha, urad Litvy zabaraniŭ avijakampanijam ździajśniać rejsy ŭ pavietranaj prastory Biełarusi.
Ciapier čytajuć
Zahinuŭ biełaruski dobraachvotnik Vasil «Dzir» Rapicki12
Kamientary