Try kampanii ź biełaruskim kapitałam uvajšli ŭ top-20 najbujniejšych biznesaŭ Daŭhaŭpiłsa
Padatkovyja orhany Łatvii zaviaršyli analiz finansavych spravazdač za 2022 hod. Zychodziačy z dakumientaŭ, možna zrabić vysnovu, što kampanii ź biełaruskimi karaniami aktyŭna naroščvajuć svaju prysutnaść u Daŭhaŭpiłsie — druhim pa značeńni łatvijskim horadzie. Usie jany z pryborabudaŭničaj śfiery, adznačaje Office Life.
Čaćviortaje miesca ŭ ekanomicy Daŭhaŭpiłsa letaś zaniała kampanija Pulsar Optics. Jana była stvoranaja ŭ 2020 hodzie i źjaŭlajecca adnoj z vytvorčych placovak zarehistravanaha ŭ Litvie chołdynha pa vypusku i vytvorčaści prycełaŭ Yukon Advanced Optics Worldwide. Jaho klučavym uładalnikam byŭ biełarus Alaksandr Alšeŭski, jaki ŭviesnu hetaha hoda pamior na 61-m hodzie žyćcia.
Pa vynikach 2022 hoda vyručka Pulsar Optics vyrasła ŭ 2,44 razu i skłała 52,6 młn jeŭra. Z hetym pakazčykam daŭhaŭpiłskaja kampanija stała najbujniejšym biznesam biełarusaŭ u Łatvii i ŭvajšła ŭ top-200 kampanij krainy. Čysty prybytak Pulsar Optics pieravysiŭ 12,3 młn jeŭra.
Siarod 20-ci najvažniejšych pracadaŭcaŭ stalicy Łathalii fihuruje jašče dźvie pryborabudaŭničyja kampanii z karaniami ź Biełarusi. Adna ź ich — Regula Baltija, jakaja vypuskaje prybory dla vieryfikacyi dakumientaŭ, hrošaj i h. d. Pa 40% u jaje kapitale naležać zasnavalnikam hrupy Regula Ivanu Šumskamu i Juryju Rahožynskamu. U 2022-m vyručka hetaha biznesu vyrasła na 33% i skłała 12,4 młn jeŭra.
Druhaja kampanija — vytvorca elektronnych kampanientaŭ na zamovu SMD Baltic. Jaho prodaž vyras na 86% i dasiahnuŭ 11,8 młn jeŭra.
Biełaruska, jakaja atrymała śpiecyjalny pryz ad Paŭła Libiera, raskazała, jak adkryvała kaśmietałahičny biznes
«Chočacca ŭsich abniać i razam papłakać». Nieviasiołaja historyja biełaruskaha ajcišnika-sieńjora ŭ Polščy, jakomu ledź chapaje hrošaj da zarobku
«My nie imkniemsia kapijavać Amazon i AliExpress». Stvaralnik biełaruskaha markietpłejsa za miažoj raskazaŭ, kali čakać zapusku placoŭki
Kamientary