Minzdaroŭja nazvała pryčynu špitalizacyi dziciaci z samalota Maskva — Minsk
Stan dziciaci, praź jakoha samalot Maskva — Minsk ździejśniŭ ekstrannuju pasadku ŭ Viciebsku, stabilny.

Fota: Minzdaroŭja
Dzicia špitalizavana ŭ Viciebski abłasny dziciačy kliničny centr z pryčyny vostraj virusnaj infiekcyi z pavyšeńniem tempieratury, paviedamiła Minzdaroŭja ŭ svaim telehram-kanale.
Viciebskija miedycynskija śpiecyjalisty pravodziać nieabchodnyja abśledavańni, dzicia praciahvaje lačeńnie.
Jak paviedamlałasia, samalot «Biełavija», jaki lacieŭ z Maskvy ŭ Minsk, ździejśniŭ ekstrannuju pasadku ŭ Viciebsku ŭ suviazi z tym, što dziciaci-pasažyru stała błaha. Paśla avaryjnaj pasadki dzicia zabrała chutkaja. Ekipažu akazali nieabchodnuju dapamohu pa dazapraŭcy pavietranaha sudna, i samalot adpraviŭsia dalej svaim maršrutam.
Kamientary
Minzdrav nie chočiet rasskazať pro bukiet zabolevanij, kotoryj privieźli siuda buriaty i pročije ichtamniety. Eto žie vsio v ramkach normy, vierno poniał?