Onliner pabyvaŭ na feście Burning Minsk i publikuje vialiki fotarepartaž. Uražańni ad naviedvalnikaŭ žurnalist farmuluje tak: «niešta siaredniaje pamiž «Hospadzie, što ty takoje?» i «Chach, a heta stylna!», pamnožanaje na dziesiać».
U cełym, toje, što adbyvajecca, možna apisać miemam:
— Mama, ja chaču na Burning Man!
— Pojdziem, u nas jość Burning Man doma.
I niadrenny! Tak, heta nie vialikaje vysmahłaje salanoje voziera ŭ Nievadzie, a Minskaje mora. Tak, tut ci naŭrad sustrenieš Iłana Maska abo Džareda Leta ŭ harnitury vielizarnaha kata, a napoi nie vyjdzie zajmieć prosta za taniec abo cikavuju historyju — vymi dy pakładzi 20 rubloŭ za šklanačku. Ale ž sutnaść aryhinalnaha fiestyvalu Burning Man, uvohule, nie ŭ źniešniaj atrybutycy. Jana ŭ ludziach: u ich hałovach, u ich unutranaj svabodzie i smazie samavyjaŭleńnia. A z hetym tut u bolšaści poŭny paradak.
Da samaj ranicy zajcy, elfy, husary i faraony buduć mihravać ad adnoj sceny da inšaj. Pakul nie ŭzydzie sonca i mahija nie prapadzie.
Užo zaŭtra ŭsie jany adpraviacca pracavać — na zavody, u škoły i kvietkavy mahazin, ihrać roli važnych načalnikaŭ i starannych padnačalenych. Ale pakul jany tut, jany lasnyja pačvary, jakija dryhajuć ciełam u takt minimał-techna. Tyja, chto zabyŭsia na svaje darosłyja prablemy i, zdajecca, ščaślivyja.
Dzieści ŭ pustyni Błek-Rok u dalokaj Nievadzie, na vysmahłym salanym voziery prosta ciapier pačynajuć uzvodzić vielizarnyja dekaracyi dla niepaŭtornaha aryhinała. Tak, Burning Minsk — usiaho tolki demaviersija. Ale jak minimum duch svabody i tvorčaści sapraŭdnaha Burning Man, smak maleńkaha krejzi-karnavału ŭłavić atrymałasia, piša Onliner.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Pa tvajoj łohicy - ty pajšoŭ u kafie ci ŭ kramu - ŭsie , kapiec, ty pieraharnuŭ staronku...
Pryvitańnie. Z 1 500 000 jakija udzielničali ŭ pratestach dy buduć znoŭ - bolšaść jašče ŭ Biełarusi dy na voli