Uklučanaha ŭ «śpis terarystaŭ» i asudžanaha da 6 hadoŭ kałonii žychara Hrodna ź psichičnym zachvorvańniem Andreja Sačeŭku adpravili na dva miesiacy ŭ pamiaškańnie kamiernaha typu, paviedamiŭ pravaabarončy resurs Mayday.team.
Pravaabaroncy pišuć, što Sačeŭku adpravili ŭ PKT jašče ŭ pačatku žniŭnia, ale viadoma pra heta stała tolki siońnia. Da hetaha palitviazień pravioŭ 23 sutak u ŠIZA, kudy trapiŭ 19 červienia za toje, što admoviŭsia vynosić śmiećcie.
Kali 10-dzionny termin znachodžańnia ŭ ŠIZA padychodziŭ da kanca, Sačeŭka dadali jašče adno dyscyplinarnaje spahnańnie za toje, što jon lažaŭ u izalatary na padłozie. Paśla jamu paviedamili, što jaho adpraviać u pamiaškańnie kamiernaha typu za «niapravilnyja pohlady».
4 traŭnia 2022 hoda Sačeŭku zatrymali na pracoŭnym miescy za raspaŭsiud «ekstremisckich» materyjałaŭ — publikacyju ŭ sacsietcy «VKontaktie» videa z Łukašenkam, na jakim jon u 1994 hodzie prymaje prysiahu pad bčb-ściaham. Praz troje sutak mužčynu vypuścili, a ŭžo 11 čysła znoŭ zatrymali — pa abvinavačvańni ŭ hrubym parušeńni paradku (artykuł 342 KK).
25 traŭnia jaho pryznali vinavatym u zachoŭvańni «ekstremisckich» materyjałaŭ (artykuł 19.11 KaAP) i pryznačyli štraf u 25 bazavych vieličyń. U červieni łabaratorna-sudovaja ekśpiertyza paćvierdziła ŭ hrodzienca psichičnaje zachvorvańnie.
U vieraśni 2022 hoda pačalisia sudovyja pasiadžeńni pa spravie Sačaŭki — ciapier jaho abvinavačvali ŭ raspalvańni varožaści i va ŭdziele ŭ pratestach. U kastryčniku sud prysudziŭ mužčynu da 6 hadoŭ kałonii. U lipieni hetaha hoda KDB unios Andreja Sačeŭku ŭ»śpis terarystaŭ».
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary