Vialikija terminy atrymali byłyja top-śledčyja, jakija trapilisia na chabarach
Pałkoŭnik Śledčaha kamiteta Dźmitryj Paŭłoŭski, jaki «kuryravaŭ» padatkovyja spravy ŭ krainie, pa infarmacyi «Našaj Nivy», atrymaŭ 13 hadoŭ pazbaŭleńnia voli, a były načalnik upraŭleńnia centralnaha aparatu Śledčaha kamiteta Alaksandr Vaŭčkoŭ, jakoha sudzili razam ź im, — 8 hadoŭ.
Pra ich zatrymańnie «Naša Niva» paviedamlała letaś.
Alaksandr Vaŭčkoŭ — advakat, były vysokapastaŭleny śledčy, jaki addaŭ słužbie 20 hadoŭ i ŭ svoj čas byŭ namieśnikam načalnika hałoŭnaha ŭpraŭleńnia pracesualnaha kantrolu papiaredniaha rasśledavańnia ŭ MUS, a paśla adździaleńnia SK ad MUS i da 2013-ha — načalnikam adnaho z upraŭleńniaŭ centralnaha aparatu Śledčaha kamiteta.
Vaŭčkova zatrymali pry sprobie dać chabar dla vyrašeńnia svajho pytańnia adnamu z aficeraŭ milicyi.
Pavodle dalejšaj infarmacyi ad krynic, u niavoli Vaŭčkoŭ daŭ pakazańni na Dźmitryja Paŭłoŭskaha — śledčaha centralnaha aparatu SK, jaki viadomy tym, što vioŭ mnohija «padatkovyja» spravy suprać biełaruskich biznesmienaŭ.
Taho taksama zatrymali.
Praz hod, jak stała viadoma «Našaj Nivie», abodva atrymali vialikija terminy. Znajomyja ź situacyjaj kažuć, što Vaŭčkovu dali 8 hadoŭ, a Paŭłoŭskamu — 13.
Stała viadoma, dzie pracuje favarytka Łukašenki Uładlena Zajcava19
Kamientary