U Minsku pradajuć mikrakvateru ŭ 18 kvadrataŭ. Startavaja cana — 19 500 dalaraŭ
U Ściapiancy, u nievialikim dvuchpaviarchovym budynku, jaki znachodzicca za dva kroki ad hustoha lesu, na vulicy Hieałahičnaj, 119, pradajuć kampaktnuju adnapakajovuju kvateru. Budučaha ŭładalnika mikrakvatery vyznačać u ramkach aŭkcyjonu, zapłanavanaha na 12 žniŭnia, piša Onliner.by.
Darečy, heta paŭtornyja tarhi: upieršyniu žyllo sprabavali pradać na pačatku lipienia, ale žadajučych, vidać, nie znajšłosia. Raskazvajem, u čym asablivaść hetaha łota.
Pustujučaja adnapakajovaja kvatera znachodzicca na druhim paviersie i zajmaje płošču 18,7 kvadratnaha mietra. Žyłyja — 12 «kvadrataŭ», kuchnia — 6,7. Zhodna z płaniroŭkaj, sanvuzła ŭ kvatery niama. Žyllo znachodzicca ŭ ułasnaści «Minskich haradskich internataŭ». U jakim stanie jano zaraz — nie ŭdałosia vyśvietlić, ale pahladzieć jaho pierad pačatkam tarhoŭ usio ž možna. Papiaredni ahlad kvatery na vuł. Hieałahičnaj, 119, zapłanavany na 6 žniŭnia ŭ 09:00.
Startavaja cana za łot nie źmieniena: adnapakajoŭku prapanujuć za 58 200 rubloŭ, abo kala $19 500 pa kursie.
Dla ŭdziełu ŭ tarhach zajaŭniku pryjdziecca pakinuć zadatak u pamiery 5 820 rubloŭ.
Padać zajaŭku na ŭdzieł u aŭkcyjonie možna z 28 lipienia pa 8 žniŭnia ŭ pracoŭnyja dni z 09:00 da 13:00 i z 14:00 da 17:00 (pa piatnicach — da 16:00) pa adrasie: h. Minsk, vuł. K. Marksa, 39, kab. 6. Sam aŭkcyjon projdzie 12 žniŭnia ŭ 15:00 pa adrasie: h. Minsk, vuł. K. Marksa, 39, kab. 7 (zała aŭkcyjonaŭ). Bolš padrabiaznuju infarmacyju možna daviedacca tut.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary