Śviatłana Cichanoŭskaja raskazała pra chvarobu syna i jaho cikavaść da hieapalityki
«Nasamreč dosyć doŭha ja prymała hety dyjahnaz».
Śviatłana Cichanoŭskaja ŭ novym vypusku tok-šou «Žyćcio-malina» raskazała pra chvarobu syna.
Jon naradziŭsia hłuchim, što dla baćkoŭ stała niečakanaściu.
«Heta było majo pieršaje maciarynstva. Jon niby i ahukaŭ, i niejak reahavaŭ. I potym, kali ty razumieješ, što ŭžo hod, a navat lepietu nie źjaviłasia, my pajšli pa daktarach. I nam pastavili taki dyjahnaz», — zhadvaje Śviatłana i padkreślivaje, što vielmi ŭdziačnaja mužu za padtrymku:
«Ja mahła raskisnuć, bo jak dla maci dla mianie heta byŭ vialiki ŭdar, a jon adrazu jak biznesoviec: tak, płan dziejańniaŭ, što jon pavinien zrabić. (…)
Pryjšłosia pieraasensavać, i pierapłakać, i pieražyć hety bol, ale Siarhiej vyśvietliŭ, što možna ŭ dadzienym vypadku zrabić. I my vielmi doŭha čakali apieracyju, tamu što nie było kachlearnych impłantaŭ u Biełarusi.
I zrabili hetuju apieracyju. Viadoma, uvieś ciažar reabilitacyi loh na mianie. Ale hetaje zadavalnieńnie było nie tannaje, i Siarhiej zakryvaŭ usie reabilitacyjnyja momanty».
«Nasamreč dosyć doŭha ja prymała hety dyjahnaz», — pryznajecca Śviatłana. Ciapier ža ŭsprymaje heta jak normu:
«Ja vielmi radaja, što my vyciahnuli hetuju prablemu. Ja, viadoma, mahu skazać, što pakłała šmat-šmat hadoŭ na heta, ale jano taho kaštavała. Ciapier mnie časam zdajecca: «Nu, Karniej, moža, ty ŭžo pamaŭčyš». A sama dumaju: Boža moj, jakoje ščaście».
Śviatłana adznačaje, što imiony ich dziaciej — Karniej i Ahnija — nie źviazany ź viadomymi savieckimi dziaciačymi piśmieńnikami Karniejem Čukoŭskim i Ahnijaj Barto.
«Heta ŭ Siarhieja mamy niekali dziadulu ci pradziadulu zvali Karniej. Jana prapanavała, my pahadzilisia. Pryhožaje, niezvyčajnaje imia. A [imia] dočki vybirali taksama doŭha. Maja ideja była. Pierabirała imiony. Voś, spadabałasia Ahnija. Nu, prosta tak supała».
Ciapier synu 15 hadoŭ, i jon, pa słovach Śviatłany, cikavicca hieapalitykaj:
«Jamu vielmi cikavaja hieapalityka. (…) Jon, viadoma, usio heta čerpaje ź internetu. (…) Jon hladzić Dudzia, Šrajbmana. (…) Jamu heta cikava. Nichto ž nie prymušaŭ, i jon raskazvaje, jaki kanflikt Palestyna-Izrail. Ukraina jamu taksama vielmi blizkaja, Biełaruś. I pra Trampa svaje dumki vykazvaje. Heta vielmi z takoha niavopytnaha punktu hledžańnia, jon mnie kaža tezisami, jakija jon pačuŭ u hetych videa».
Cichanoŭskaja dadaje, što syn lubić historyju i hieahrafiju:
«Jon moža hadzinami — biare huhł-kartu i padarožničaje pa huhł-karcie. Voś jon «pabyvaŭ» u Paryžy, ubačyŭ Ejfielevu viežu, u Japoniju «źjeździŭ». Jon užo viedaje, dzie jakija słavutaści. Jamu cikava. Jon taki troški intraviert. Jamu kamfortna słuchać, ubirać [infarmacyju]».
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary