Zrabiŭ zaŭvahu, što pry čchańni treba prykryvać rot, i atrymaŭ butelkaj pa hałavie
Kanflikt u čarzie ŭ kramie zakončyŭsia kryminalnaj spravaj dla 47-hadovaha minčuka, jakoha abvinavačvajuć u pryčynieńni ciažkaha cialesnaha paškodžańnia, piša «Minsk-Naviny».
Unačy ŭ adnoj z kram na vuł. Sialickaha ŭ Minsku zdaryŭsia kanflikt pamiž pakupnikami, jakija stajali ŭ čarzie. Pjany mužčyna čchnuŭ, nie prykryŭšy rota rukoj, i małady čałaviek zrabiŭ jamu zaŭvahu, na što pieršy staŭ niecenzurna łajacca.
Paśla ŭžo na vulicy niećviarozy mužčyna šturchnuŭ chłopca, na što toj paprasiŭ być akuratniejšym. Hetyja słovy pryviali mužčynu ŭ lutaść, i jon raźbiŭ ab hałavu chłopca šklanuju butelku, a zatym udaryŭ jaje rylcam u žyvot.
Vidavočcy vyklikali chutkuju i milicyju. Paciarpiełaha ź ciažkimi cialesnymi paškodžańniami dastavili ŭ balnicu.
Abvinavačany raniej da kryminalnaj adkaznaści nie pryciahvaŭsia.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary
Kakaja to amorfnaja hiec nacija))