Kampanija EPAM apublikavała kvartalnuju spravazdaču, ź jakoj vynikaje, što suma jaje aktyvaŭ u Biełarusi praciahvaje skaračacca. Za hod aktyvy EPAM u Biełarusi skaracilisia na 17%, piša Office Life.
U pryvatnaści, u spravazdačy havorycca, što na kaniec červienia košt aktyvaŭ kampanii ŭ Biełarusi składaje $53,5 młn. Hod tamu jany aceńvalisia ŭ $64,4 młn. Dla paraŭnańnia: u 2020—2021 hadach aktyvy EPAM u Biełarusi składali $75—78 młn.
Ciapier biełaruski biznes EPAM pavodle abjomu zajmaje treciaje miesca, sastupajučy ŭkrainskamu ofisu, dzie zasiarodžana majomaść na $67 młn, i amierykanskamu ($61 młn).
Suma ŭsich aktyvaŭ EPAM va ŭsich łakacyjach aceńvajecca ŭ $255,7 młn. Hety pakazčyk źniziŭsia na $18 młn z kanca minułaha hoda.
Kampanija ŭdakładniaje, što ŭ jaje jość srodki ŭ niekalkich krainach, uklučajučy Ukrainu, Biełaruś i Rasiju. Pry hetym pa stanie na 30 červienia srodki ŭ bankach Ukrainy składali $50,9 młn, u bankach Biełarusi — $38,5 młn i jašče $24,8 młn zachoŭvajucca ŭ bankach Rasii. Hrošy va Ukrainie i Biełarusi vykarystoŭvajucca dla apieracyjnych patreb miascovych pradpryjemstvaŭ, i reštki na rachunkach źmianiajucca ŭ zaležnaści ad čakanych apieracyjnych patreb.
U kampanii ŭdakładnili, što niekatoryja klijenty «raspačali kroki pa błakavańni internet-kamunikacyj z Rasijaj, Ukrainaj i Biełaruśsiu dla abarony ad patencyjnych kibieratak abo inšych pahroz infarmacyjnaj biaśpieki». Takija niehatyŭnyja nastupstvy prymušajuć EPAM pieranosić častku kamandy ŭ inšyja krainy i abmiažoŭvajuć zdolnaść udzielničać u peŭnych prajektach.
Vyručka rehijona Centralnaj i Uschodniaj Jeŭropy (CEE), jaki ŭklučaje Biełaruś, Hruziju, Kazachstan, Rasiju, Ukrainu i Uźbiekistan, skłała za II kvartał 2023 hoda $7,815 młn, abo 0,7% ahulnaha abjomu vyručki kampanii.
Za try apošnija miesiacy čysty prybytak kampanii skłaŭ $120 młn. Jana vyrasła ŭ 6,5 razu da červienia 2022-ha. Pry hetym vyručka EPAM Systems Inc. źniziłasia za II kvartał bolš čym na 2% — da $1,17 młrd.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»7
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary