«Znajšli paviešanaj u lesie». Sakratarka BRSM u Zelvie ŭčyniła suicyd, mahčyma, praz prablemy na pracy
Uviečary 21 žniŭnia 20-hadovaja Vieranika Pałubok pajechała z Zelvienskaha rajona ŭ susiedni horad i pierastała vychodzić na suviaź. Siońnia dziaŭčynu znajšli paviešanaj u lesie. Na dumku miascovych žycharoŭ, dziaŭčyna źviała rachunki z žyćciom praz kanflikt na pracy — Vieranika ŭznačalvała jačejku BRSM u Zelvie, piša «Lusterka».
U paniadziełak, 21 žniŭnia, dziaŭčyna znachodziłasia ŭ ahraharadku Kniazieva Zelvienskaha rajona. Kala 16-j viečara jana pajechała na mašynie ŭ Masty i pierastała vychodzić na suviaź. Paźniej aŭtamabil znajšli, ale aktyvistki BRSM u im nie było.
Kala 13:00 23 žniŭnia źjaviłasia infarmacyja, što Vieraniku znajšli miortvaj. Praz try tydni joj spoŭniŭsia b 21 hod. Aficyjnaja pryčyna śmierci nie paviedamlajecca.
«Da ŭsiaho taho, što adbyłosia, Vieranika napisała raźvitalnaje paviedamleńnie svajmu baćku, dzie prasiła nikoha nie vinavacić i nie šukać jaje, — raskazała «Lusterku» siabroŭka zahinułaj. — Jašče chodziać čutki, ale heta nie dakładnaja infarmacyja, što ŭ jaje byli surjoznyja prablemy na pracy».
Padobnaje mierkavańnie i ŭ miascovych žycharoŭ: jany dumajuć, što na taki krok sakratarka jačejki moładzievaj arhanizacyi mahła pajści praź cisk na pracy.
«Jana raniej pracavała ŭ škole, ale jaje adtul «vyrvali» ŭ BRSM, — raspaviała čytačka «Lusterka». — Chacieła zvolnicca, ale nie davali. Kažuć, pryčynaj suicydu i stała praca (pa słovach znajomych, jana ź joj nie spraŭlałasia). Vieranika sama pa sabie vielmi spakojnaja, nijakich prablem ź psichikaj u jaje nie było».
Vieranika Pałubok rodam ź vioski Vialikaja Rahoźnica Mastoŭskaha rajona. U 2021 hodzie jana z čyrvonym dypłomam skončyła Vaŭkavyski kaledž HrDu imia Janki Kupały pa śpiecyjalnaści «zamiežnaja mova (niamieckaja)», a paśla pastupiła na zavočnaje adździaleńnie ŭ MDŁU.
Z 2021 hoda dziaŭčyna pracavała nastaŭnicaj niamieckaj movy ŭ Dziarečynskim dziciačym sadzie — siaredniaj škole. A ŭ lipieni 2022 hoda jana ŭznačaliła pieršasnuju jačejku BRSM u Zelvie.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary