«Nie biełarusy niasuć pahrozu, a režym i jaho pamahatyja» — Śviatłana Cichanoŭskaja pra mahčymyja abmiežavańni dla biełarusaŭ u Litvie
Na siońniašniaj sustrečy sa śpikierkaj litoŭskaha Siejma Viktoryjaj Čmilicie-Nilsen Śviatłana Cichanoŭskaja zaklikała nie ŭraŭnoŭvać abmiežavańni dla biełarusaŭ i rasijan.
Cichanoŭskaja adznačyła, što ŭraŭnavańnie abmiežavańniaŭ u dačynieńni da biełarusaŭ i rasijan adno tolki syhraje na ruku prapahandzie Łukašenki i Pucina i ŭdaryć pa zvyčajnych biełarusach. Tamu jana, prapanavaŭšy ŭraŭnavać sankcyi suprać režymu Łukašenki i Pucina, zaklikała nadalej zachoŭvać roznaje staŭleńnie da hramadzian Biełarusi i Rasii.
Taksama Cichanoŭskaja źviarnuła ŭvahu na toje, što nieabchodna zachavać pasažyrskija złučeńni, kab biełarusy mahli pierasiakać miažu, i kab heta było ŭličana ŭ razmovach pra zakryćcio miežaŭ.
«Izalavać treba režym, a nie ludziej», — adznačyła Śviatłana Cichanoŭskaja.
«Ja ŭdziačnaja śpikiercy Čmilicie i litoŭskamu Siejmu za ŭzvažanaje rašeńnie ŭviesnu i ja spadziajusia, što hetaje rašeńnie zastaniecca ŭ sile.
Ja razumieju, što situacyja mianiajecca i režym Łukašenki stanovicca pahrozaj dla ŭsich našych susiedziaŭ, ale nam nieabchodna šukać rašeńni, jakija najmienš udarać pa biełarusach, bo heta budzie tolki na ruku dyktataru. My budziem razmaŭlać z usimi partyjami i ŭsimi litoŭskimi instytucyjami, kab danieści svaju pazicyju.
Nam nieabchodna zachavać siabroŭskija adnosiny, jak heta było dahetul.
Treba tłumačyć i litoŭskamu hramadstvu, što nie biełarusy niasuć pahrozu, a režym i jaho pamahatyja. Heta dźvie roznyja rečy», — zajaviła Cichanoŭskaja.
Taksama Cichanoŭskaja i Čmilicie-Nilsen abmierkavali nieabchodnaść praviadzieńnia šyrokaj ekśpiertnaj dyskusii pra biełaruska-litoŭskija adnosiny i histaryčnuju spadčynu.
Kamientary
O PRIESTUPLENII
Staťja 7. Poniatije priestuplenija
Priestuplenijem priznajetsia sovieršiennoje vinovno obŝiestvienno opasnoje diejanije (diejstvije ili biezdiejstvije), zaprieŝiennoje nastojaŝim Kodieksom.
Nie javlajetsia priestuplenijem diejstvije ili biezdiejstvije, chotia formalno i sodieržaŝieje priznaki kakoho-libo diejanija, priedusmotriennoho uhołovnym zakonom, no v siłu małoznačitielnosti nie priedstavlajuŝieje obŝiestviennoj opasnosti.