Na ekskluziŭnym spadarožnikavym zdymku servisu Planet Labs, jaki atrymała «Svaboda», možna zaŭvažyć aktyŭnuju fazu demantažu łahiera vahnieraŭcaŭ u vioscy Cel, što pad Asipovičami. Kali mierkavać pa fota, prybrali ŭžo tracinu ŭsich namiotaŭ.
Nakolki dazvalaje razhledzieć zdymak za 23 žniŭnia 2023 hoda, łahier u paŭnočnaj častcy vajskovaj bazy pazbaviŭsia prykładna 65 namiotaŭ (było kala 129).
U łahiery ŭ zachodniaj častcy vajskovaj bazy demantavali kala 27 (było kala 64).
U centralnaj častcy vajskovaha łahiera prapała kala 9 namiotaŭ z prykładna 80, što tut znachodzilisia.
Takim čynam, z 273 žyłych namiotaŭ kala 101 demantavali.
Kali ŭličyć, što kožny z namiotaŭ moža źmiaščać kala 20 vajskoŭcaŭ, to možna kazać pra toje, što terytoryju vajskovaj čaści ŭ vioscy Cel mahło pakinuć kala 2020 vahnieraŭcaŭ z prykładna 5 tysiač, što tam znachodzilisia.
Pry hetym źmianšeńnie kolkaści techniki kali i jość, to nievialikaje.
Demantaž pieršych namiotaŭ pačaŭsia prykładna 1 žniŭnia.
Na spadarožnikavym zdymku za 14 žniŭnia možna razhledzieć praces raźbirańnia ŭ dobraj jakaści. Možna zaŭvažyć draŭlanyja nary dla vajskoŭcaŭ, jakija tam žyli.
Kudy mohuć być pieraviezienyja hetyja namioty i ci pakinuli terytoryju Biełarusi najmity «Vahniera», nieviadoma. Na tych spadarožnikavych zdymkach, što maje redakcyja, nie nazirajecca ŭtvareńnia padobnych namiotavych łahieraŭ na terytoryi inšych biełaruskich palihonaŭ ci vajskovych čaściej.
U telehram-kanałach, źviazanych z PVK «Vahnier», pišuć pra toje, što častku vajskoŭcaŭ adpraŭlajuć u doŭhija adpačynki damoŭ u Rasiju, ale vyhladaje, što kali heta i adbyvajecca, to nie maje masavaha charaktaru. U čatach jość asobnyja redkija paviedamleńni pra heta.
Isnuje imaviernaść, što častku najmitaŭ «Vahniera» pačali pierakidvać u Afryku. Pra heta taksama jość paviedamleńni ŭ telehram-kanałach, źviazanych z PVK.
Ale taksama moža być i takoje, što častku vahnieraŭcaŭ pierakidvajuć u inšyja miescy ŭ Biełarusi.
U rajonie łahiera PVK «Vahnier» kala Asipovičaŭ pieraboi ź internetam — Biełaruski Hajun
Na aeradrom Mačuliščy prylacieŭ samalot Ił-76 PKS Rasii — Biełaruski Hajun
U Biełarusi znachodzicca 4000 vahnieraŭcaŭ. Infarmacyja pra vyvaz častki bajcoŭ u Rasiju nie paćvierdziłasia — Biełaruski Hajun
Vahnieraŭcy ŭzvodziać fartyfikacyi na palihonie «Repišča» pad Asipovičami. Spadarožnikavy zdymak
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary