«Ździekam nie bačna kanca». Palina Šarenda-Panasiuk znajšłasia ŭ rečyckim izalatary
Tudy Palinu etapavali dla praviadzieńnia zahadkavych «śledčych dziejańniaŭ», napisaŭ u fejsbuku jaje muž Andrej Šarenda.
«Palina ŭrešcie znajšłasia ŭ IČU horada Rečyca, što znachodzicca ŭ Homielskaj vobłaści. Tudy Palinu etapavali dla praviadzieńnia zahadkavych «śledčych dziejańniaŭ».
Chutčej za ŭsio, novaja kryminalnaja sprava suprać Paliny narešcie skončanaja, i Palinu buduć sprabavać ź joj aznajomić. Paśla hetaha Palinu, imavierna, znoŭ etapujuć u SIZA №3 h. Homiela da suda», — napisaŭ jon.
Andrej Šarenda dadaŭ, što ŭ rečyckim IČU jamu paviedamili, što Palina ŭ ich znachodzicca na «śpiecyjalnym režymie», tamu pieradačy i pasyłki joj zabaronienyja.
«Ździekam z Paliny nie bačna kanca…» — napisaŭ Andrej Šarenda.
Palinu Šarendu-Panasiuk zatrymali na pačatku studzienia 2021 hoda i asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana mieła vyjści letam minułaha hoda.
Ale letaś jaje asudzili pa art. 411 KK da jašče adnaho hoda kałonii. U krasaviku 2023 hoda suprać žančyny zaviali ŭžo novuju spravu — za «złosnaje niepadparadkavańnie administracyi kałonii».
Ciapier čytajuć
Što viadoma pra biełarusa, jaki zahinuŭ la Elbrusa5
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary