Hramadstva22

Palina Šarenda-Panasiuk za dva z pałovaj hady źniavoleńnia straciła 18 kiłahramaŭ vahi

Pra apošnija źviestki pra Palinu Šarendu-Panasiuk napisaŭ u fejsbuku jaje muž Andrej Šarenda.

«Pryjšli viestki ad Paliny, jakija jana paśpieła pakinuć u SIZA №1 na Vaładarskaha. Stała viadoma, što Palinu dastavili na psichijatryčnuju ekśpiertyzu ŭ adździeł sudovych ekśpiertyz u Navinkach 29 červienia. Palina adrazu naadrez admoviłasia zdavać kroŭ na analizy, prymać lubyja preparaty i ŭvohule razmaŭlać ź miedykami-psichijatrami. Administracyja ekśpiertyzy sprabavała psichałahična cisnuć na Palinu, pahražajučy zrabić heta siłaju. Ale, sutyknušysia ź niepachisnaj pazicyjaj mužnaj žančyny, dziakujučy vialikamu rozhłasu ŭ ŚMI, daktary vymušanyja byli adstupić», — napisaŭ Andrej Šarenda.

Palina Šarenda-Panasiuk. Malunak: fejsbuk Andreja Šarendy

Tamu psichijatryčnaja ekśpiertyza skončyłasia tak i nie pačaŭšysia.

«Palina prosta adaspałasia ŭ pałacie tydzień i narešcie zmahła pajeści narmalnych praduktaŭ, jakija my paśpieli pieradać joj tudy. Adzinaje, što Palina paśpieła zrabić tam pa pryjeździe ŭ Navinki, heta ŭzvažycca. Palina važyć usiaho 47,5 kiłahrama! Pry roście 170 santymietraŭ i zvykłaj vazie 63—65 kiłahramaŭ jana zhubiła za dva z pałovaj hady HUŁAHa kala 18 kiłahramaŭ. Navat ciažka ŭjavić, jak Palina vyhladaje ciapier», — dadaŭ Andrej.

Užo 6 lipienia Palinu z Navinak pieraviali na Vaładarku. Tam jana praviała mienš za sutki, i ŭžo 7 lipienia jaje śpiecetapam vyvieźli ŭ kirunku kałonii №24 (Zarečča). Dzie ciapier znachodzicca Palina, nieviadoma.

«Ale zrazumieła, što śpiašajucca jaje sudzić, bo termin jaje źniavoleńnia zakančvajecca 6 žniŭnia», — napisaŭ Andrej Šarenda.

***

Palinu Šarendu-Panasiuk zatrymali na pačatku studzienia 2021 hoda i asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana pavinna była vyjści letam minułaha hoda.

Ale ŭ minułym hodzie jaje asudzili pa art. 411 KK da jašče adnaho hoda kałonii. U krasaviku 2023 hoda suprać žančyny zaviali ŭžo novuju spravu — za «złosnaje niepadparadkavańnie administracyi kałonii». 

Padtrymajcie palitźniavolenuju: PK №24, 247526, Vytvorčaja, 44, h. p. Zarečča, Rečycki rajon, Homielskaja vobłaść, Palina Siarhiejeŭna Šarenda-Panasiuk.

Kamientary2

  • chch
    14.07.2023
    takaja krochkaja
    takaja mužnaja
  • No
    14.07.2023
    Biednaja žančyna. Łukašysty jaje pavolna i ździekliva zabivajuć.
    Jana nikomu ničoha nie zrabiła!
    Jana zusim nie pavinna była siadzieć u turmie!

    Palinu katujuć, tamu što jana maje svaju dumku i nie choča poŭzać pierad režymam. Nie choča być bydłam
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna9

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna

Usie naviny →
Usie naviny

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar2

U Biełarusi chočuć pastrožyć praviły vydačy pazyk

Vy kažacie, što ŠI zamienić čałavieka? Vy nie razumiejecie natury čałavieka3

bolš čytanych navin
bolš łajkanych navin

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna9

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna

Hałoŭnaje
Usie naviny →

Zaŭvaha:

 

 

 

 

Zakryć Paviedamić