Kampanii, jakija zajmajucca prakatam elektrasamakataŭ u Paryžy, prybirajuć svaju techniku z vulic, piša «Mieduza». Ułady horada paśla praviedzienaha ŭ krasaviku refierendumu nie stali pierazaklučać kantrakty z kampanijami Dott, Lime i Tier, jakija zajmajucca prakatam elektrasamakataŭ.
Termin dziejańnia dahavoraŭ zakančvajecca 1 vieraśnia, da hetaha momantu ŭsie 15 tysiač samakataŭ pavinny być prybranyja z vulic horada.
U Tier Mobility paviedamili, što prybirajuć z vulic pa 450 samakataŭ za dzień, a pa miery nabližeńnia terminu zakančeńnia kantrakta z horadam źbirajucca vyvozić pa 750 adzinak za sutki.
Usie try kampanii, jakija zajmalisia prakatam elektrasamakataŭ u Paryžy, paviedamili, što praviaduć techabsłuhoŭvańnie i prafiłaktyku transpartnych srodkaŭ, a zatym adpraviać ich u inšyja harady Francyi i inšyja krainy, u tym liku ŭ Hiermaniju, Polšču, Bielhiju, Italiju i Izrail.
Ciapier Dott, Lime i Tier płanujuć bolš aktyŭna zajmacca prakatam elektraviełasipiedaŭ u Paryžy.
Meryja Paryža ŭ krasaviku praviała refierendum siarod žycharoŭ nakont pytańnia pradaŭžeńnia kantrakta z kampanijami, jakija zajmajucca prakatam elektrasamakataŭ. Bolšaść udzielnikaŭ refierendumu prahałasavali suprać.
Roznyja funty, dziŭnaja, ale smačnaja ježa i chajvej dla vožykaŭ. Čytač dzielicca ŭražańniami ad pajezdki ŭ Vialikabrytaniju FOTY
«Tut jość uvohule ŭsio — i naohuł ničoha nie treba». Biełaruska pierajechała ŭ Tajłand i raskazvaje, jak kazačna tam žyviecca
U Minsku pažyłoj žančynie niečym nie dahadzili prakatnyja samakaty, i jana im adpomściła VIDEA
Kamientary