Palina Šarenda-Panasiuk, pratestujučy suprać biaskoncych ździekaŭ, abviaściła haładoŭku
23 žniŭnia palitźniavolenaja Palina Šarenda-Panasiuk abviaściła haładoŭku, piša «Viasna». Jana całkam admoviłasia ad ježy. Heta jaje pratest suprać tych žudasnych umoŭ, jakija stvaryła dla Paliny administracyja IČU Rečyckaha RAUS.
Paśla prybyćcia ŭ izalatar Palinu źmiaścili ŭ kamieru-adzinočku z poŭnaj antysanitaryjaj i z nasiakomymi.
U jaje zabrali ŭsie asabistyja rečy i pradukty, jakija jana pryviezła z saboj.
Spać jana pavinna na žaleznych kryvych płaścinach «škonki», bo joj nie vydali nijakich paścielnych rečaŭ. Jaje nie vyvodziać na prahułki i zabaranili ŭsie vidy pieradač.
Taksama stała viadoma, što ŭ rečyckim IČU ŭ Paliny prajšli apošnija śledčyja dziejańni ŭ miežach kryminalnaj spravy za «złosnaje niepadparadkavańnie administracyi kałonii». Na budučym tydni spravu pieradaduć u prakuraturu, a zatym u sud Rečyckaha rajona.
Palina pavinna była vyjści na volu minułym letam, ale jaje asudzili da jašče 1 hoda kałonii. U krasaviku suprać žančyny zaviali ŭžo novuju spravu — znoŭ za «złosnaje niepadparadkavańnie administracyi kałonii».
Kamientary