Rasijski bajavik zajechaŭ u Finlandyju pad novym imieniem dziakujučy vučobie žonki
Adzin ź lidaraŭ hrupoŭki rasijskich bajevikoŭ «Rusič» Jan Piatroŭski, jakoha zatrymali ŭ Finlandyi, zajechaŭ u krainu dziakujučy novamu imieni, a taksama vučobie svajoj žonki.
Pra heta, jak piša «Jeŭrapiejskaja praŭda», Helsingin Sanomat raspaviała advakat Piatroŭskaha Natalla Malhina.
Pavodle słoŭ juryskonsulta bajevika, toj atrymaŭ dazvoł na žycharstva ŭ Finlandyi na imia Vaisłava Tordena na padstavie vučoby svajoj žonki, jakaja atrymała miesca ŭ adnym ź finskich univiersitetaŭ prykładnych navuk.
Bajevika-nieanacysta ŭklučyli ŭ sankcyjny śpis ES pad imieniem Jan Piatroŭski. Jon zajechaŭ u Finlandyju na aŭtamabili praz punkt propusku Vaalimaa 19 lipienia ŭ supravadžeńni žonki i traich dziaciej.
Piatroŭskaha zatrymali ŭ viestybiuli aeraporta Chielsinki-Vantaa 20 lipienia pa padazreńni ŭ imihracyjnych złačynstvach, kali jon ź siamjoj nakiroŭvaŭsia ŭ Nicu (Francyja), kab naviedać svajakoŭ.
Raniej paviedamlałasia, što Ofis hienieralnaha prakurora Ukrainy rychtuje materyjały dla ekstradycyi adnaho ź lidaraŭ hrupoŭki rasijskich bajevikoŭ «Rusič» Jana Piatroŭskaha.
Rasijanin fihuruje ŭ rasśledavańni Słužby biaśpieki Ukrainy «pavodle padazreńnia va ŭdziele ŭ terarystyčnaj arhanizacyi». Pavodle źviestak śledstva, Piatroŭski ŭ 2014 hodzie sumiesna z terarystami «ŁNR» vajavaŭ suprać Ukrainy ŭ składzie tak zvanaj «dyviersijna-šturmavoj raźviedvalnaj hrupy «Rusič».
Pra aryšt Jana Piatroŭskaha ŭ Finlandyi ŭ piatnicu paviedamili finskija miedyja. Mužčynu ŭnieśli ŭ sankcyjny śpis ES i ZŠA za dziejańni, jakija pahražajuć suvierenitetu i niezaležnaści Ukrainy, a taksama biaśpiecy krainy.
Piatroŭski, jaki ŭ junactvie niekalki hadoŭ žyŭ u Narviehii, taksama ŭdzielničaŭ u vajnie ŭ Siryi ŭ składzie ultrapravaj hrupoŭki, jakaja vajuje na baku režymu prezidenta Bašara Asada. Narviehija departavała mužčynu ŭ Rasiju ŭ 2016 hodzie, bo jon ličyŭsia pahrozaj biaśpiecy.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary