Kazachstanski kłub pryhraziŭ bajkatavać matč Lihi kanfierencyj, kali da jaho nie dapuściać biełaruskaha lehijaniera
Biełaruski lehijanier kazachstanskaha «Taboła» Pavieł Zabielin i troje jaho rasijskich adnakłubnikaŭ nie atrymali viz i, vidać, nie zmohuć uziać udzieł u matčy ŭ adkaz płej-of Lihi kanfierencyj z češskaj «Viktoryjaj», jaki projdzie ŭ Plzienie 31 žniŭnia, piša «Priessboł».
«Na žal, našym lehijanieram ź JEAES tak i nie dazvolili vylatać razam z nami. Jość jašče nadzieja datyčna taho, što siońnia paśla abiedu vyrašycca pytańnie zajezdu praź inšuju krainu. Kali nam daduć multyivizy. Ci vyjdziem my na pole ŭ vypadku, kali našym lehijanieram ź JEAES nie daduć vizy? Ja dumaju, chutčej za ŭsio, nie», —skazaŭ saŭładalnik «Taboła» Alimžan Kałdyjaraŭ.
Pieršaja sustreča kamand zaviaršyłasia ź likam 2:1 na karyść «Viktoryi».
U Lizie kanfierencyj taksama hulaje kazachstanskaja «Astana» ź biełaruskim lehijanieram Maksam Ebonham. U pieršym matčy suprać ałbanskaha «Partyzani» «Astana» doma pieramahła 1:0.
Kamientary