13 žniŭnia ŭ Miensku prajšoŭ čarhovy Sojm BNF «Adradžeńnie» i Kanservatyŭna-chryścijanskaj partyi – BNF.
13 žniŭnia ŭ Miensku prajšoŭ čarhovy Sojm BNF «Adradžeńnie» i Kanservatyŭna-chryścijanskaj partyi – BNF. Udzielniki Sojmu zasłuchali dakład lidera partyi Zianona Paźniaka, što znachodzicca ŭ časovaj emihracyi.
«Maskva rychtujecca da niejkich maštabnych padziejaŭ u Biełarusi. Paśla vybaraŭ na treci termin adčuvalna pavialičyłasia vyniščeńnie ŭsiaho biełaruskaha; prytym u svaich antynacyjanalnych dziejańniach režym staŭ dziejničać całkam adkryta pa typova akupacyjnaj schiemie», – zaznačaje lider KCHP-BNF.
Z. Paźniak čarhovy raz padvierh rezkaj krytycy «pramaskoŭskuju pseŭdaapazycyju. «Paśla zrableńnia spravy zhodna imperskaj tradycyi, Maskva zaŭsiody kidała svaich vykanaŭcaŭ jak adpracavany materyjał. (...). Tak źnik u bahnie hetaj maskoŭskaj palittechnalohii (jakuju Kreml nadta i nie chavaje) ceły šerah palityčna niavyrablenych ludziej, jakija mieli ambitnyja zadumki i chacieli vierna supracoŭničać z Rasiejaj (V. Hančar, M. Čyhir, H. Karpienka, V. Lavonaŭ, M. Marynič, A. Kazulin). Nastupnymi paśla zrableńnia pramaskoŭskaj spravy i «adpracoŭki» buduć «kinutyja» A. Milinkievič, S. Kalakin».
Z dakładami ab palityčnaj i sacyjalna-ekanamičnaj situacyi vystupili Jury Bieleńki, v.a. u Biełarusi staršyni BNF «Adradžeńnie» i KCHP-BNF, a taksama Siarhiej Papkoŭ, namieśnik staršyni BNF «Adradžeńnie» i KCHP-BNF.
Udzielniki Sojmu pryniali zajavu «Nie hałasavać dla dyktatury, a jadnacca dla Biełarusi», u jakoj zaznačajuć, što pakolki «biełaruski i suśvietny dośvied nieadnarazova paćvierdziŭ, što pad akupacyjnym režymam i dyktaturaj nia moža być spraviadlivych vybaraŭ, bo vyšejšym kryteram takich vybaraŭ jość nie zakon i nia prava, a niekantralavanaja narodam złaja vola palityčnaje ŭłady. Udzielničać u takich vybarach nielha».
Kiraŭnictva KCHP-BNF zaznačaje: «Heta nijakija nie vybary. Niama vybaraŭ pad dyktaturaj. Udzieł ludziej u hałasavańni režym skarystoŭvaje ŭ svaich intaresach».
Što rabić u dzień vybaraŭ? «U dzień hałasavańnia treba iści nie na vybarčyja ŭčastki hałasavać, a na vulicy i płoščy, jadnacca ŭ pratestach i dziejańniach. Tady vyjaviacca i buduć sapraŭdnyja biełaruskija zmahary i sapraŭdnyja biełaruskija arhanizatary», -- zaznačajuć udzielniki Sojmu KCHP-BNF.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu11
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2828
Kamientary