Trahiedyja ŭ Iahaniesburhu: bolš za 70 čałaviek zahinuli ŭ zakinutym budynku
U noč na čaćvier ahoń achapiŭ budynak u byłym biznes-kvartale najbujniejšaha horada Paŭdniova-Afrykanskaj Respubliki, u jakim apošnim časam nieaficyjna pražyvali ludzi.
Sama mieniej 73 čałavieki, u tym liku maleńkaje dzicia, zahinuli i jak minimum 52 paciarpieli ŭ vyniku pažaru, jaki ŭspychnuŭ u šmatpaviarchovym budynku ŭ centry Iahaniesburha, piša Bi-bi-si.
U noč na čaćvier ahoń achapiŭ budynak u byłym biznes-kvartale horada, u jakim apošnim časam nieaficyjna žyli ludzi.
Ratavalniki evakujavali z budynka ŭsich, chto moh ź jaho vyjści, i ŭ apošnija hadziny tam pravodziłasia pošukava-vyratavalnaja apieracyja.
Pa słovach pradstaŭnika ekstrannych słužbaŭ Robierta Mułaŭdzi, kolkaść zahinułych pavialičvałasia pa miery taho, jak ratavalniki prasoŭvalisia pa pavierchach i rasčyščali zavały.
Pakul niezrazumieła, što mienavita stała pryčynaj pažaru.
«Za 20 hadoŭ słužby ja nie sutykaŭsia ni z čym takim», — skazaŭ Mułaŭdzi ŭ kamientary miascovamu telekanału Newzroom Afrika.
Piacipaviarchovy budynak, jaki zahareŭsia, raźmieščany ŭ niebiaśpiečnym rajonie byłoha biznes-kvartała Iahaniesburha — najbujniejšaha horada PAR i jaje ekanamičnaha centra.
U apošni čas budynki ŭ hetym rajonie vykarystoŭvalisia ŭ jakaści žylla. Miascovyja miedyja paviedamlajuć, što tam žyvuć pieravažna nielehalnyja imihranty.
Jak patłumačyŭ Mułaŭdzi, mnohija achviary pažaru, imavierna, akazalisia zabłakavanymi siarod zbudavańniaŭ, jakija nahadvajuć chaciny, što byli ŭźviedzienyja ŭ budynku.
«Materyjał, jaki zahareŭsia ŭnutry budynka, — heta, pa sutnaści, toje, što vy znojdziecie ŭ zvyčajnaj chacinie, tamu isnuje vialikaja ryzyka zastacca tam nazaŭsiody pry sprobie vybracca», — paviedamiŭ pažarny paŭdniovaafrykanskamu radyjo Power 98.7.
Ułady zajavili, što pažar u bolšaj častcy doma patušany, ale dym usio jašče prasočvajecca z pačarniełaha budynka ŭ centry Iahaniesburha.
Heta ŭžo čaćviorty zakinuty budynak, jaki zahareŭsia ŭ horadzie za apošnija miesiacy.
Kamientary
Dobra budavali bury anličanie za 30 hod ni paśpieli usie ..asvoić " pa svaojski"
Adzin spaskudzili spalili..iaščie zastałoś hadou na 20-30.Paśla budzie tak jak pa usiej Afrycy..