U adnoj škole praviaduć ekśpierymient: dzieci buduć vučycca stojačy
Napiaredadni novaha navučalnaha hoda ŭ adnoj sa škoł Navapołacka zaviaršyli afarmleńnie ekśpierymientalnaha kłasa, dzie buduć aprabavany navučalnyja mietady prafiesara Uładzimira Bazarnaha.
Zdaroŭjeźbierahalnyja technałohii dla škoł i dziciačych sadoŭ byli raspracavanyja pad kiraŭnictvam prafiesara Uładzimira Bazarnaha bolš za 40 hadoŭ tamu. U 1989 hodzie jany byli zaćvierdžanyja Minzdaroŭja RSFSR dla masavaha ŭkaranieńnia ŭ škołach i dziciačych sadach. Adnak da hetaha času vypadki ich prymianieńnia zastajucca ci ledź nie adzinkavymi, choć, jak śćviardžajecca, efiektyŭnaść była dakazanaja ŭžo nieadnarazova.
«Heta pastava, heta zrok, heta zaŭsiody ŭzajemaźviazana, i ja dadaju abaviazkova stupni i dałoni. Prafiesar Bazarny damahaŭsia taho, kab ciahlicy dziciaci znachodzilisia ŭ ruchu, paźbiahajučy statyčnaha napružańnia, pryčym havorka idzie pra ŭsie myšcy vačej, vušej, orhanaŭ stravavańnia, serca i hetak dalej, kab usie myšcy raźvivalisia ŭ dziciaci harmanična. I samym važnym prafiesar ličyŭ raźvićcio dziciačaha mozhu. Bieź ciahlicavaha ruchu raźvićcio dziciačaha mozhu i ŭtvareńnie mižniejronnych suviaziaŭ budzie vielmi adnabokim pracesam, sfarmirujucca tolki instynkty», ― patłumačyŭ mietodyku «Sputniku» hramadski aktyvist Arkadź Rozbaš.
Imknieńnie abiezruchomić dzicia, a mienavita heta čaściakom adbyvajecca ŭ škole, kali vučni na ŭroku siadziać biez ruchu za partami, jak ličyŭ prafiesar Bazarny, moža całkam pazbavić dzicia enierhii ŭ budučyni.
Tak, u adnoj z navučalnych ustanoŭ Navapołacka da novaha navučalnaha hoda vyrašyli prymianić technałohii Bazarnaha, ustalavaŭšy śpiecyjalnyja party dla školnikaŭ, za jakimi dzieci buduć pravodzić 15 chvilin siedziačy i 15 chvilin stojačy.
«Taki režym z kantorkami i partami praduhledžany sanitarnymi normami Respubliki Biełaruś, my ničoha nie parušajem. I režym — kolki stajać, kolki siadzieć, i ŭzrostavyja abmiežavańni — usio heta jość … kłas, jaki my zrabili, heta 28 čałaviek, heta vielmi šmat. Ale my arhanizavali prastoru — 14 kantorak, 14 part, usie z nachilenaj pavierchniaj, i adna kantorka dla nastaŭnicy», ― raspavioŭ Rozbaš.
U zahinułaj u Ślapiancy dziaŭčynie apaznali Janu Kastrankovu2
Kamientary