Premjer Hałoŭčanka pra budučy muziej na Miency: Heta miesca pavinna stać vizitnaj kartkaj Minska
Premjer-ministr Biełarusi raskazaŭ siońnia žurnalistam ab płanach pa muziejefikacyi archieałahičnaha kompleksu na Miency, piša BiełTA.
Pa vynikach naviedvańnia archieałahičnaha kompleksu na Miency 10 vieraśnia 2022 hoda Raman Hałoŭčanka daručyŭ NAN arhanizavać maštabnaje archieałahičnaje vyvučeńnie dla vyznačeńnia jaho historyka-kulturnaj roli i jaho značeńnia ŭ historyi Minska i Biełarusi. Siońnia kiraŭnika ŭrada prainfarmavali ab vynikach praviedzienaj raboty.
«Usio, što my hod tamu tut abmiarkoŭvali, realizavana. Vyrašyłasia pytańnie z achoŭnym statusam archieałahičnaha pomnika. Dziaržava ŭziała pad uzmocnienuju achovu nie tolki samo haradzišča, ale i prylehłyja da jaho terytoryi, kab my ŭ pracesie haspadarčaj dziejnaści nie stracili hetaha najkaštoŭniejšaha dla krainy archieałahičnaha pomnika. Pravodziacca maštabnyja raboty, da raskopak pryciahnuty studenty, vałanciory».
Važna, kab na praciahu niekalkich hadoŭ navukoŭcy dla siabie całkam sfarmavali karcinu adnosna statusu, roli i miesca hetaha pomnika ŭ historyi biełaruskaj dziaržaŭnaści», — skazaŭ premjer-ministr.
Jon adznačyŭ, što raboty vykonvajucca ŭ ramkach finansavańnia, jakoje vyłučajecca Nacyjanalnaj akademii navuk na navukovyja daśledavańni. U nastupnym hodzie raskopki praciahnucca, i ich finansavańnie taksama budzie zabiaśpiečana.
«Heta archieałahičny pomnik respublikanskaha ci navat ahulnajeŭrapiejskaha značeńnia. Kolki pracy buduć praciahvacca — vyrašać navukoŭcy, — padkreśliŭ Raman Hałoŭčanka. — Dla nas važny pierachod da etapu vypracoŭki kančatkovaj kancepcyi muziejefikacyi i ŭklučeńnia kompleksu ŭ šyroki hramadski abarot. Heta miesca zasłuhoŭvaje taho, kab stać jašče adnoj vizitnaj kartkaj Minska. Choć archieałahičny pomnik znachodzicca pa-za haradskoj terytoryjaj, ale jon nieparyŭna źviazany z historyjaj našaj stalicy. Adnak treba vyrašyć jurydyčnyja i finansavyja pytańni. Pakul dumajem, što hetaja terytoryja budzie filijałam Nacyjanalnaha histaryčnaha muzieja».
Jak paviedamlałasia, Saviet Ministraŭ uchvaliŭ i padtrymaŭ kancepcyju farmiravańnia i realizacyi najbolš značnych nacyjanalnych archieałahičnych prajektaŭ. Zaćvierdžany płan pa realizacyi kancepcyi kompleksnaha raźvićcia archieałahičnaha kompleksu na race Miency. Instytut historyi NAN sumiesna z šeraham zacikaŭlenych ustanoŭ pačaŭ maštabnyja archieałahičnyja daśledavańni.
Ciapier čytajuć
Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2
Kamientary