Na Vieniecyjanskim fiestyvali hanaravali film pra mihrancki kryzis na biełaruskaj miažy
Film polskaj režysiorki Ahnieški Chołand «Zialonaja miaža» (Zielona granica) pra mihrancki kryzis na biełaruska-polskaj miažy atrymaŭ na Vieniecyjanskim fiestyvali śpiecyjalny pryz žury. Siarod akcioraŭ u im byli i biełarusy.
U stužcy «Zialonaja miaža» raspaviadajecca historyja siryjskaj siamji, jakaja namahajecca pierajści miažu Biełarusi i Polščy na šlachu da Šviecyi, a taksama aktyvistki Julii i pamiežnika Jana.
U filmie ŭziali ŭdzieł biełaruskija akciory, udzielniki muzyčnaj hrupy «Raźbitaje serca pacana» Pavieł Haradnicki i Dzianis Tarasienka (apošniaha možna ŭbačyć u karotkim klipie nižej).
Karcina była pakazanaja ŭ Vieniecyi 5 vieraśnia ŭ miežach asnoŭnaha konkursu.
Inšyja pieramožcy Vieniecyjanskaha fiestyvalu:
- «Załaty leŭ» — «Niebaraki» (rež. Jorhas Łancimas);
- «Srebny leŭ» — «Licha nie isnuje» (Rusuke Chamahuci);
- «Srebny leŭ» za najlepšuju režysuru — Matea Harone («Ja — kapitan»);
- Kubak Volpi za najlepšuju mužčynskuju rolu — Piter Sarshaard («Uspamin»);
- Kubak Volpi za najlepšuju žanočuju rolu — Kejli Speni («Pryscyła»);
- «Leŭ» za najlepšy scenar — Pabła Łarajn i Hiljerma Kalderon («El Conde»);
- Premija Marčeła Mastrajani (najlepšamu maładomu akcioru / aktrysie) — Sejdu Sar («Ja — kapitan»).
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary