U vinahradara ź Pinskaha rajona jahada vyrasła pamieram z kurynaje jajka
U Pinsku praviali konkurs «Burštynavaja hronka vinahradu — 2023». U im u naminacyi «Samaja bujnaja jahada» pieramoh Alaksandr Bahatka ź vioski Kupiacičy Pinskaha rajona. Vaha vinahradziny sortu «Evierest», pradstaŭlenaj na konkurs Alaksandram, skłała 31,78 hrama, piša «Miedyja-Paleśsie».
Pa pamiery hetuju vinahradzinu možna paraŭnać z kurynym jajkam.
Jak raskazaŭ Alaksandr Bahatka, vinahradam jon zajmajecca kala 10 hadoŭ. Vyroščvaje kala 45 jaho sartoŭ.
«Niešta dasadžvaju, niešta prybiraju, heta praces pastajanny, — dzielicca sakretami vinahradar. — Hladžu, ci padychodzić ziamla. Samym uradžajnym sioleta, i nie tolki ŭ mianie, staŭ sort «Pamiaci nastaŭnika».
Darečy, zhadany sort «Pamiaci nastaŭnika» zaniaŭ pieršaje miesca ŭ naminacyi «Samaja bujnaja hronka». Jana zavažyła 2 kh 240 h, a vyraściŭ jaje Alaksandr Bisułtanaŭ ź Pinska.
U konkursie ŭdzielničali vinahradary nie tolki ź Pinskaha rajona i horada Pinska, ale i sa Stolina, Davyd-Haradka, Biarozy, Bresta.
Siarod udzielnikaŭ vystavy fiermieraŭ nie było, adny amatary. Heta dla ich bolš chobi. Ale ŭvohule ŭ Biełarusi ciapier jość i vinahradary, jakija zarablajuć na hetym. Jany staviać vialikija ciaplicy i vysadžvajuć rannija hatunki vinahradu, taksama jany pradajuć i sadžancy.
Kamientary