«Kali ŭ vas baza tych, chto maje DNŽ, to našto vam prasić pra samadanos?»
Pravaabaronca i suzasnavalnik fondu BYSOL Andrej Stryžak prakamientavaŭ zajavu MUS, što tam vałodajuć infarmacyjaj pra ludziej z zamiežnym hramadzianstvam abo dazvołam na žycharstva.
«Łukašenkaŭski Departamient mihracyi zajaviŭ, što nibyta viedaje, chto atrymlivaje DNŽ i inšaziemnaje hramadzianstva. I kali ludzi sami na siabie nie daniasuć, to buduć pakaranyja, navat niahledziačy na toje, što pakarańnia za takija dziejańni niama. Pakul.
Absalutna nie siabruje spadar Biahun, kiraŭnik departamienta, z farmalnaj łohikaj — kali ž u vas jość baza tych, chto maje DNŽ i hramadzianstva, to navošta ludziej prasić zrabić samadanos? U vas ža i tak jość usie danyja. Niestykovačka», — adznačyŭ Stryžak.
Siońnia načalnik Departamienta hramadzianstva i mihracyi MUS Alaksiej Biahun nahadaŭ, što 11 lipienia ŭstupili ŭ siłu źmieny i dapaŭnieńni ŭ zakon «Ab hramadzianstvie» i što nieabchodna infarmavać adpaviednyja orhany ab atrymańni DNŽ i inšych zamiežnych dakumientaŭ.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary
1) Bazy danych sapraŭdy jość, niachaj i niapoŭnyja - bo jany pry praviercy dakumientaŭ na miažy spraŭdžvajuć i navat kapijujuć vizy/VNŽ/pašparty - dakumienty, jakija dazvalajuć ujezd u inšuju krainu.
2) Našto jany tak robiać? Dyj prosta kab padłavić ludziej na “niepaviedamleńni infarmacyi zapatrabavanaj zakonam”, kab stvaryć jašče adnu farmalnuju padstavu dla pakarańniaŭ.