Hramadstva2121

Cichanoŭskaja vystupiła ŭ Jeŭraparłamiencie i papiaredziła, što pryjdzie ŭ kožny ŭrad z prośbaj pryznać novy pašpart

13 vieraśnia biełaruskaja lidarka Śviatłana Cichanoŭskaja vystupiła ŭ Jeŭraparłamiencie. Jana raspaviała pra biełaruskich hierojaŭ, paprasiła harantavać Biełarusi jeŭrapiejskuju budučyniu, raspaviała pra novy biełaruski pašpart i zaklikała da trybunała nad Łukašenkam.

 Śviatłana Cichanoŭskaja. Fota: pres-słužba palityka

«U adroźnieńnie ad vajny va Ukrainie, naša vajna — cichaja. Meta Kramla ŭ hetaj vajnie takaja ž, što i va Ukrainie: pieratvaryć Biełaruś u kałoniju Rasii. Pucinu ŭ hetaj spravie dapamahaje Łukašenka — jon pa častkach pradaje niezaležnaść našaj krainy», — zajaviła Cichanoŭskaja.

Jana raspaviała pra hierojaŭ hetaj «cichaj» vajny — rejkavych partyzanaŭ, kalinoŭcaŭ, pravaabaroncaŭ i inšych. 

«U našaj cichaj vajnie pakazała siabie mnostva cichich hierojaŭ. Nastaŭniki, što admaŭlajucca vučyć dziaciej «dziaržaŭnaj ideałohii». Sumlennyja čynoŭniki, jakija dzielacca kaštoŭnaj infarmacyjaj. Biznesmieny, što tajemna dapamahajuć siemjam represavanych. Piensijaniery, jakija źviarnulisia da mianie z prośbaj «pieradać jeŭrapiejcam, što my nie zdamosia», — skazała Cichanoŭskaja. 

Jana zajaviła, što ES — heta budučynia, da jakoj biełarusy imknucca. 

«My chočam viarnucca dadomu. Dadomu ŭ Jeŭropu. Biełaruskija demakratyčnyja siły pryniali sumiesnuju dekłaracyju, što akreślivaje našu stratehičnuju metu — uvachodžańnie Biełarusi ŭ ES. Viedaju, što heta doŭhi praces, i jon nie budzie lohkim. Adnak dla nas niama zvarotnaha šlachu. Jeŭrapiejski sajuz — heta budučynia, da jakoj my imkniomsia i ŭ jakoj prahniem zastacca nazaŭsiody. 

Jana raspaviała, što APK pracuje nad tym, kab pačać vydaču nacyjanalnych biełaruskich pašpartoŭ. «Vielmi chutka my pryjdziem da vašych uradaŭ z prośbaj pryznać našy novyja pašparty», — skazała jana.

Taksama jana zaklikała nie spyniać baraćby z dyktaturami. 

«Dapamažycie nam pryciahnuć Łukašenku da adkaznaści. Za zabojstva apanientaŭ «eskadronami śmierci». Za katavańni mirnych pratestoŭcaŭ. Za vykradańnie ŭkrainskich dziaciej. Za viadzieńnie vajny suprać biełarusaŭ i supracoŭnictva ŭ vajnie suprać Ukrainy. U jaho na plačach doŭhi śpis złačynstvaŭ. Jon nie zasłuhoŭvaje nijakaha miesca na mižnarodnych forumach. Adzinaje, čaho jon zasłuhoŭvaje, — heta kvitok u adzin kaniec u Haahu.

I mnie sapraŭdy cikava, jak niekatoryja ludzi da hetaha času śmiejuć nazyvać jaho prezidentam? Davajcie rastłumačym: jon machlar!» — skazała jana. 

Jana zaklikała jeŭraparłamientaryjaŭ padtrymać rezalucyju z pryznańniem jeŭrapiejskich pamknieńniaŭ biełarusaŭ, jakuju ŭnios Piatras Aŭštravičus. «Ja prapanuju vyvieści adnosiny pamiž demakratyčnaj Biełaruśsiu i Jeŭraparłamientam na novy ŭzrovień i instytucyjanalizavać našu supracu», — skazała jana.

Jeŭraparłamientaryi vitali jaje vystup stojačy. 

Kamientary21

  • Majo imia
    13.09.2023
    Cikava, Cichanoŭskaja kazała pra stratehiju budučyni Biełarusi, a "Naša Niva" zahałoŭnaj temaj abrała pašpart, jaki musić vyrašyć tolki časovyja prablemy šerahu biełarusaŭ. Jeŭrapiejski vybar Biełarusi dla redakcyi nie hałoŭnaje?
  • Vierojatnyj
    13.09.2023
    ES biez NATO, dieńhi na vietier!
  • Janka
    13.09.2023
    CIchanoŭskuju mocna krytykavali spačatku pra jaje vykazvańni pra "mudroho Putina", potym - pra nievyznačannaść hieapalityčnaha vybaru pad čas pratestaŭ-2020. Ale heta nie tolki było jaje asabistaje mierkavańnie - heta było mierkavańnie bolšaści biełaruskaha demakratyčnaha hramadstva. Evalucyjanuje biełaruskaje hramadstva - evalucyjanuje i Cichanoŭskaja. Pa miery pravału režymaŭ pucina i łukašenki ŭ archaičnuju tatalitarnuju bahnu na fonie niepaźbiežnaj parazy ŭ ahresyŭnaj zachopnickaj vajnie sumnievaŭ, kudy treba imknucca, zastajecca ŭsio mienš.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Zabić jaho ci adrezać jamu jajki ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie21

«Zabić jaho ci adrezać jamu jajki ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie

Usie naviny →
Usie naviny

Rasijanie try hadziny bili pa Charkavie KABami, balistykaj i šachiedami. Ździejśniena kambinavanaja ataka na Dniapro2

«Kupałaŭcy» anansavali pačatak novaha teatralnaha siezona1

Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus pajechaŭ bieź jaje5

Staŭ viadomy los źbiehłych dzikabrazaŭ u Rečyckim rajonie2

Bieraściejec uvoziŭ u Polšču biarozavaje palena. Akazałasia, heta kostka mamanta2

Vydaliŭ akaŭnt, pačyściŭ techniku — i ŭsio adno pryjšli. Mikita Łosik raskazaŭ, jak jaho vyličyli siłaviki25

«Biełfarmacyja» nazvała fejkam infarmacyju pra nibyta niedachop lekaŭ u krainie

U Vilni źbili žurnalista Malanka Media16

Tramp zajaviŭ, što Pucin i Zialenski abaviazkova sustrenucca4

bolš čytanych navin
bolš łajkanych navin

«Zabić jaho ci adrezać jamu jajki ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie21

«Zabić jaho ci adrezać jamu jajki ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie

Hałoŭnaje
Usie naviny →

Zaŭvaha:

 

 

 

 

Zakryć Paviedamić