«Ekstremisckuju» litaraturu ŭ Biełarusi buduć vydavać paśla śpiecdazvołu
Na BT pryznali, što ŭsie «ekstremisckija» knihi składana źniščyć, da taho ž śpiecyjalistam jany časam patrebnyja dla napisańnia navukovych prac abo rasśledavańniaŭ.
U Biełarusi źbirajucca navieści paradak z «ekstremisckaj» litaraturaj u biblijatekach i vydavać jaje pa śpiecyjalnym dazvole. Pra heta raspaviali ŭ efiry telekanała «Biełaruś 1», piša Reform.by.
U telesiužecie pryznali, što ŭsie «ekstremisckija» knihi składana źniščyć, da taho ž śpiecyjalistam jany časam patrebnyja dla napisańnia navukovych prac abo rasśledavańniaŭ. U Nacyjanalnaj biblijatecy takija knihi zachoŭvajucca ŭ śpiecyjalnym schoviščy, ale ŭ zakonie nie prapisana, u jakich vypadkach možna vydavać ich čytačam. U Nacbiblijatecy spadziajucca, što paradak vydačy budzie vyznačany zakanadaŭča.
«My pracujem nad hetym pytańniem. I budziem spadziavacca, što najbližejšym časam hety zakanadaŭčy prabieł budzie ŭdakładnieny. Tearetyčna abmiežavanamu kołu karystalnikaŭ pry śpiecyjalnym dazvole možna budzie hetymi dakumientami skarystacca», — zajaviŭ Viktar Pšybytka, namieśnik hiendyrektara Nacyjanalnaj biblijateki.
Tym časam prakuratura praciahvaje sačyć, kab pryznanaja ekstremisckaj litaratura nie pradavałasia ŭ kramach i ŭ internecie. U pieršuju čarhu prakuroraŭ cikaviać histaryčnyja knihi.
«Cikavić naohuł usia litaratura. Ale, viadoma, pieršačarhovuju ŭvahu ŭdzialajem histaryčnaj litaratury, bo ciapier takija temy na vastryi, značnyja. Heta reabilitacyja nacyzmu, jakaja časam sustrakajecca ŭ drukavanaj pradukcyi. Tamu mienavita na takuju litaraturu my źviartajem uvahu», — zajaviła Maryna Zaprudskaja, načalnica adździeła prakuratury Viciebskaj vobłaści.
U telesiužecie taksama patłumačyli, čamu «ekstremisckija» knihi drukavalisia ŭ Biełarusi.
«Hetaja situacyja nie ŭźnikła ciapier. Jana ŭźnikła ŭ 2013-m, 2014-m, u 2017 hodzie. Niejkija knižki drukavalisia, jakija da padziej 2020 hoda vyhladali niejkimi sprečnymi. Ale ŭ pryncypie jany nie nieśli niejkaha charaktaru, nie ŭzhodnienaha z ahulnaj linijaj ruchu. Paśla 2020 hoda z hetymi knižkami ŭźnikli pytańni», — zajaviŭ namieśnik dyrektara adnaho z vydaviectvaŭ.
Kamientary
Vidavočna, što inšym taki dazvoł nie daduć, a adrazu paviedamiać u KDB i zatrymajuć za ekstremizm.
Značyć, idei ekstremizmu i nacyzmu buduć čytać, kanśpiektavać i ŭpitvać u svaju śviadomaść i mazhi vyklučna jabaćkam-łukašysty.