Ukrainski hienštab u zvodcy na ranicu piatnicy paćvierdziŭ uziaćcie vioski Andrejeŭki pad Bachmutam. Napiaredadni pradstaŭniki Ministerstva abarony i USU zładzili publičnuju sprečku ab tym, ci ŭziataje heta siało.
«Siły abarony ŭ chodzie nastupalnych dziejańniaŭ mieli častkovy pośpiech u rajonie Klaščejeŭki. U chodzie šturmavych dziejańniaŭ avałodali Andrejeŭkaj», — havorycca ŭ zvodcy.
Klaščejeŭka i Andrejeŭka — dakładniej, ciapier užo ich ruiny — raźmieščany za niekalki kiłamietraŭ na poŭdzień ad ruin Bachmuta. USU jašče z pačatku leta sprabujuć achapić Bachmut z fłanhaŭ i, u pryvatnaści, uziać panoŭnyja vyšyni ŭ rajonie Klaščejeŭki. Andrejeŭka znachodzicca na poŭdzień i, adpaviedna, dalej ad Bachmuta, tłumačyć Bi-bi-si.
U čaćvier namieśnica ministra abarony Ukrainy Hanna Malar abviaściła pra ŭziaćcie Andrejeŭki, ale zatym pradstaŭniki častak, jakija vajujuć u tym rajonie, nazvali hetuju zajavu zaŭčasnaj.
Malar adkazała, što nie zajaŭlaje ničoha pra stanovišča na frantach biez uzhadnieńnia z vajskoŭcami.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary