Na minułym tydni va Ukrainie byli paranienyja šeść bajcoŭ pałka Kalinoŭskaha: čaćviora bajcoŭ z bataljona «Vołat» i dvoje bajcoŭ z bataljona «Lićvin», paviedamiła pres-sakratarka Pałka.
«Na minułym tydni bataljon «Vołat» vykonvaŭ zadačy na Bachmuckim kirunku. Pracavali ŭsie padraździaleńni bataljona. U chodzie vykanańnia adnoj z zadač čaćviora bajcoŭ bataljona «Vołat» atrymali ranieńni.
Bataljon «Lićvin» praciahvaŭ bajavyja zadačy na ŭschodzie Ukrainy. Padčas apieracyi dva bajcy bataljona «Lićvin» atrymali ranieńni. Ciapier žyćciu paranienych abodvuch bataljonaŭ ničoha nie pahražaje», — raskazała Kryścina Stankievič «Čabor».
Pry hetym jana padkreśliła, što niezvarotnych strat u pałku niama.
Raniej paviedamlałasia, što połk Kalinoŭskaha braŭ udzieł u vyzvaleńni siała Klaščejeŭka pad Bachmutam.
Ciapier čytajuć
Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej2
Kamientary