Biełaruskija banki pačali zakryvać rachunki nierezidentaŭ, adkrytyja pa davieranaści
BNB-Bank zajaviŭ, što spyniaje kasavaje i raźlikovaje absłuhoŭvańnie nierezidentaŭ, jakija adkryli rachunki pa davieranaści. Pryčym, jak havorycca ŭ paviedamleńni na sajcie banka, heta rašeńnie ŭstupić u siłu ŭžo 26 vieraśnia. Jak vyśvietliŭ Office Life, jano tyčycca hramadzian inšych krain.
Praz try dni bank abiacaje spynić dziejańnie damoŭ na absłuhoŭvańnie rachunkaŭ i kartak, a taksama dystancyjnaje absłuhoŭvańnie klijentaŭ-nierezidentaŭ, jakija adkryli rachunki nie asabista, a z vykarystańniem davieranaści.
Ich prosiać samastojna da 26 vieraśnia pryvieści kartki i rachunki, adkrytyja ŭ banku, da nulavoha bałansu. Heta možna zrabić, albo pieravioŭšy hrošy na inšy rachunak, albo atrymać ich najaŭnymi niepasredna ŭ banku.
Jak paviedamili Office Life u BNB-banku, heta rašeńnie tyčycca nie padatkovych nierezidentaŭ, a mienavita hramadzian inšych dziaržaŭ, jakija stali klijentami banka pa davieranaści.
U banku havorać, što rašeńnie było pryniata na asnovie «dziejnaha bankaŭskaha zakanadaŭstva Respubliki Biełaruś, a taksama z ulikam kryteryjaŭ vyjaŭleńnia i prykmiet padazronych finansavych apieracyj».
Raniej u Biełarusi zabaranili rabić uhody z majomaściu hramadzian pa davieranaściach, vydadzienych pa-za miežami Biełarusi.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary